وزیر داخلہ سندھ کی ساحلی علاقوں میں اسپیشل پولیس فورس بنانے کی تجویز

کراچی(بولونیوز)وزیر داخلہ سندھ ضیاء الحسن لنجار نے سندھ کے ساحلی علاقوں میں اسپیشل پولیس فورس بنانے کی تجویز دیدی ہے۔ سندھ اسمبلی میں خطاب کرتے ہوئے انہوں نے کہا کہ یہ ایک مسئلہ ہے کہ شہری سمندر کے خطرناک علاقے میں چلے جاتے ہیں، ساحلی علاقوں میں حادثات میں نوجوان بچے فوت ہوتے ہیں، میں نے تجویز دی ہے کہ سندھ میری ٹائم پولیس بنائیں، پولیس کو ہم کشتیاں بھی دیں۔ وزیر داخلہ سندھ نے بتایا کہ سندھ کے ساحلی علاقوں میں اسپیشل پولیس فورس بنانے کی تجویز ہے، بہت جلد نئی پولیس فورس کی سمری ارسال کر رہا ہوں۔ اس سے قبل ایم کیو ایم رہنما قرۃ العین نے اپنے خطاب میں کہا تھا کہ ساحل سمندر میں لوگ ڈوب جاتے ہیں، حال ہی میں ڈاؤ یونیورسٹی کے طالب علم ڈوب گئے، ساحل پر لوگوں کے پاس لائیف جیکٹ نہیں ہوتے۔