وزیرِاعظم نے فیلڈ مارشل کوچیف آف آرمی اسٹاف اور چیف آف ڈیفنس فورسزمقررکرنےکی سمری صدرکوبھجوا دی

اسلام آباد(بولونیوز) وزیرِاعظم پاکستان شہباز شریف نے فیلڈ مارشل حافظ سید عاصم منیر، نشانِ امتیاز (ملٹری)، ہلالِ جرأت، کی چیف آف آرمی اسٹاف (COAS) اور چیف آف ڈیفنس فورسز (CDF) کے طور پر تقرری کی سمری باقاعدہ طور پر منظور کر کے صدرِ مملکت کے دفتر ارسال کر دی ہے۔

فیلڈ مارشل سید عاصم منیر ملک کے پہلے چیف آف ڈیفنس فورسز ہوں گے اور وہ بیک وقت چیف آف آرمی اسٹاف اور چیف آف ڈیفنس فورسز کی ذمہ داریاں سنبھالیں گے۔ یہ تقرری پانچ سال کے لیے کی گئی ہے۔

دوسری جانب، وزیرِاعظم نے ایئر چیف مارشل ظہیر احمد بابَر سدھو، چیف آف ایئر اسٹاف، کی مدتِ ملازمت میں دو سالہ توسیع کی منظوری بھی دے دی ہے، جو ان کی موجودہ پانچ سالہ مدت کے اختتام، مارچ 2026 سے مؤثر ہوگی۔