بادلوں کا راج، شام میں ہلکی بوندا باندی کا امکان
کراچی(بولونیوز) شہرِ قائد کراچی میں دن بھر بادل چھائے رہنے کا سلسلہ جاری ہے، جبکہ محکمہ موسمیات کے مطابق شام کے اوقات میں بعض علاقوں میں ہلکی بوندا باندی کا امکان ہے۔
محکمہ موسمیات کا کہنا ہے کہ آئندہ ہفتے کراچی میں کسی قابلِ ذکر بارش کے امکانات نہیں ہیں۔ تاہم بادلوں کی موجودگی کے باعث موسم قدرے خوشگوار رہنے کی توقع ہے۔
محکمہ موسمیات کے مطابق شہر میں نمی کا تناسب زیادہ رہ سکتا ہے، جس کے باعث حبس کی کیفیت برقرار رہنے کا امکان ہے۔ شہریوں کو مشورہ دیا گیا ہے کہ وہ موسم کی تازہ صورتحال سے باخبر رہیں۔
