انجینئر قمر الاسلام راجہ NAVTTC کے چیئرمین مقرر
اسلام آباد(بولونیوز)وفاقی حکومت نے ممبر قومی اسمبلی این اے 53 انجینئر قمر الاسلام راجہ کو نیشنل ووکیشنل اینڈ ٹیکنیکل ٹریننگ کمیشن (NAVTTC) کا چیئرمین مقرر کر دیا ہے۔
اس حوالے سے باقاعدہ نوٹیفکیشن جاری کر دیا گیا ہے۔ ذرائع کے مطابق چیئرمین کی حیثیت سے انجینئر قمر الاسلام راجہ فنی و پیشہ ورانہ تربیت کے نظام کو جدید خطوط پر استوار کرنے، نوجوانوں کو ہنرمند بنانے اور روزگار کے مواقع بڑھانے کے لیے اقدامات کریں گے۔
حکومتی حلقوں کا کہنا ہے کہ نئی تقرری سے ملک میں ووکیشنل اور ٹیکنیکل ایجوکیشن کے شعبے کو مزید فروغ ملے گا اور افرادی قوت کی مہارتوں میں بہتری آئے گی۔
