تیز ہواؤں اور کہیں کہیں بوندا باندی کا امکان

کراچی(بولونیوز)کراچی میں آئندہ 24 گھنٹوں کے دوران موسم مرطوب رہنے کے ساتھ مطلع جزوی ابرآلود رہنے کا امکان ہے۔ محکمہ موسمیات کے مطابق شہر میں تیز ہوائیں چلتی رہیں گی جبکہ صبح اور رات کے اوقات میں کہیں کہیں بوندا باندی بھی ہو سکتی ہے۔

محکمہ موسمیات کا کہنا ہے کہ کراچی میں کم سے کم درجہ حرارت 28.6 ڈگری سینٹی گریڈ ریکارڈ کیا گیا، جبکہ زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے۔

محکمہ موسمیات نے شہریوں کو ہدایت کی ہے کہ وہ موسم کی تبدیلی کے پیش نظر احتیاطی تدابیر اختیار کریں، خصوصاً تیز ہواؤں کے دوران غیر ضروری طور پر کھلے مقامات پر جانے سے گریز کریں۔