اسلام آباد ہائیکورٹ میں موسمِ گرما کی تعطیلات کل سے شروع

اسلام آباد(بولونیوز) ہائیکورٹ میں موسمِ گرما کی دو ماہ پر مشتمل تعطیلات کل بروز یکم جولائی سے شروع ہوں گی۔ عدالتی ذرائع کے مطابق تعطیلات کے دوران بھی اہم نوعیت کے مقدمات کی سماعت جاری رہے گی۔

ذرائع کا کہنا ہے کہ اسلام آباد ہائیکورٹ کے چیف جسٹس سردار محمد سرفراز ڈوگر تعطیلات کے دوران دستیاب ہوں گے اور وہ کوئی چھٹی نہیں کریں گے۔

عدالتی امور سے وابستہ حلقوں کے مطابق چیف جسٹس کی دستیابی کے باعث فوری اور اہم نوعیت کے کیسز پر سماعت ممکن ہو سکے گی، جس سے سائلین کو ریلیف ملنے کی توقع ہے۔