برطانوی وزیرِ اعظم کے بعد لتھوانیا کی وزیرِ اعظم کا بھی استعفیٰ

برطانیہ(بولو نیوز)یورپی سیاسی منظرنامے میں ایک اور بڑی تبدیلی سامنے آ گئی ہے۔ برطانوی وزیرِ اعظم کے مستعفی ہونے کے بعد آج لیتھوانیا کی وزیرِ اعظم اینگا روگینن نے بھی اپنے عہدے سے استعفیٰ دے دیا۔

اینگا روگینن نے منگل کے روز وزارتِ عظمیٰ سے علیحدگی کا اعلان کیا۔ اپنے کابینہ کے آخری اجلاس کے دوران الوداعی خطاب میں انہوں نے کہا کہ یہ ان کے لیے ایک نہایت مشکل دن ہے۔

انہوں نے گزشتہ چند مہینوں میں حکومت کو درپیش سنگین چیلنجز کا حوالہ دیتے ہوئے کہا کہ اس عرصے کے دوران حکومت کو کئی سخت اور مشکل فیصلے کرنا پڑے، جن کے اثرات قومی سطح پر محسوس کیے گئے۔

سیاسی مبصرین کے مطابق ان استعفوں سے یورپ میں سیاسی بے یقینی میں اضافہ ہو سکتا ہے، جبکہ آنے والے دنوں میں لتھوانیا کی سیاست میں مزید اہم پیش رفت متوقع ہے۔