امریکی حملے کے بعد ایران کی جوابی کارروائی، عراقی سمندر کے قریب جہاز پر کروز میزائل حملہ

تہران(بولونیوز)ایرانی کمرشل جہاز پر امریکی حملے کے بعد ایران نے جوابی کارروائی کر دی ہے۔ ایران کے دارالحکومت تہران سے جاری بیان میں پاسدارانِ انقلاب نے دعویٰ کیا ہے کہ عراقی سمندری حدود کے قریب امریکا اور اسرائیل سے تعلق رکھنے والے ایک جہاز کو کروز میزائل سے نشانہ بنایا گیا۔

پاسدارانِ انقلاب کے مطابق میزائل حملے کے نتیجے میں جہاز پر زور دار دھماکا ہوا، تاہم نقصانات کی تفصیلات فوری طور پر سامنے نہیں آ سکیں۔ ایرانی حکام کا کہنا ہے کہ یہ کارروائی ایرانی کمرشل جہاز پر کیے گئے امریکی حملے کے جواب میں کی گئی ہے۔

بیان میں مزید کہا گیا ہے کہ امریکا یا اسرائیل کی جانب سے آئندہ کسی بھی حملے کی صورت میں فیصلہ کن جواب دیا جائے گا۔ واقعے کے بعد خطے میں کشیدگی مزید بڑھنے کا خدشہ ظاہر کیا جا رہا ہے۔