دورانِ مناسکِ حج دل کا دورہ، ایمرجنسی سروس نے 9 منٹ میں حاجی کی جان بچالی
مکہ مکرمہ(بولونیوز)مناسکِ حج کی ادائیگی کے دوران ایک حاجی کو دل کا دورہ پڑنے پر ایمرجنسی سروس نے بروقت کارروائی کرتے ہوئے صرف 9 منٹ میں اس کی جان بچا لی۔
حکام کے مطابق موقع پر فوری طبی امداد فراہم کی گئی اور مریض کو قریبی اسپتال منتقل کیا گیا، جہاں ضروری طبی نگہداشت مکمل ہونے کے بعد اسے فارغ کر دیا گیا۔ طبی عملے کا کہنا ہے کہ بروقت رسپانس اور جدید سہولیات کی بدولت حاجی کی حالت مستحکم ہو گئی۔
صحتیاب ہونے کے بعد حاجی نے دوبارہ اپنے مناسکِ حج ادا کیے۔ حکام نے بتایا کہ حرمین شریفین میں ایمرجنسی اور طبی خدمات چوبیس گھنٹے الرٹ رہتی ہیں تاکہ عازمینِ حج کی صحت و سلامتی کو یقینی بنایا جا سکے۔
