ایران جنگ معاہدے پر ختم ہوئی تو ٹرمپ کا عرب و مسلم رہنماؤں سے اسرائیل کے ساتھ ابراہیم معاہدے میں شمولیت کا مطالبہ
واشنگٹن(بولونیوز) امریکی ویب سائٹ Axios کے مطابق سابق امریکی صدر ڈونلڈ ٹرمپ نے کئی مسلمان اور عرب رہنماؤں سے کہا ہے کہ اگر ایران کے ساتھ جنگ کسی معاہدے پر ختم ہو جاتی ہے تو وہ ابراہیم معاہدے میں شامل ہو جائیں اور اسرائیل کے ساتھ تعلقات معمول پر لائیں۔
Axios نے اپنی رپورٹ میں لکھا ہے کہ اس کوشش کا بنیادی مقصد سعودی عرب اور اسرائیل کے درمیان تعلقات کی بحالی اور باقاعدہ معاہدے تک پہنچنا ہے، تاہم اس راہ میں اب بھی بڑی سیاسی رکاوٹیں حائل ہیں۔
رپورٹ کے مطابق اس کال میں موجود رہنماؤں نے مبینہ طور پر حیرت اور خاموشی کے ساتھ ردِعمل دیا، خصوصاً سعودی عرب، قطر اور پاکستان کے نمائندے، جو تاحال اسرائیل کو تسلیم نہیں کرتے۔
Axios کے مطابق یہ پیش رفت خطے میں ممکنہ سفارتی تبدیلیوں کی نشاندہی کرتی ہے، تاہم زمینی حقائق اور عوامی ردِعمل کے باعث اس طرح کے کسی بھی معاہدے کو عملی شکل دینا آسان نہیں ہوگا۔
