سندھ حکومت کا بڑا اعلان: سکھر سے شکارپور پیپلز بس سروس آئندہ ہفتے شروع ہوگی

کراچی(بولونیوز)سندھ حکومت نےشہریوں کیلئے سفری سہولیات میں بہتری کے سلسلے میں اہم اقدام کرتے ہوئے سکھر سے شکارپور تک پیپلز بس سروس شروع کرنے کا اعلان کر دیا ہے۔
یہ اعلان سینئر وزیر سندھ Sharjeel Inam Memon کی زیر صدارت محکمہ ٹرانسپورٹ و ماس ٹرانزٹ کے اجلاس کے دوران کیا گیا، جس میں مختلف اہم فیصلوں پر غور کیا گیا۔
اجلاس میں بتایا گیا کہ Transport and Mass Transit Department Sindh شہریوں کو بہتر اور جدید سفری سہولیات فراہم کرنے کے لیے نئے روٹس متعارف کرانے پر کام کر رہا ہے۔
ترجمان کے مطابق آئندہ ہفتے Peoples Bus Service کے تحت سکھر سے شکارپور روٹ پر بس سروس کا باقاعدہ آغاز کیا جائے گا۔
اس کے علاوہ سکھر اور حیدرآباد میں خواتین کیلئے پنک اسکوٹیز کی فراہمی کی تقریبات بھی جلد منعقد کرنے کا فیصلہ کیا جا رہا ہے۔
حکام کے مطابق یہ اقدامات شہریوں بالخصوص خواتین کو محفوظ، سستا اور بہتر سفری نظام فراہم کرنے کے حکومتی وژن کا حصہ ہیں۔