Category: انٹرنیشنل نیوز

کاراکاس(بولونیوز) وینزویلا میں دو ہفتے قبل آنے والے دو یکے بعد دیگرے طاقتور زلزلوں کے نتیجے میں ہلاکتوں کی مجموعی تعداد 4 ہزار سے تجاوز کرتے ہوئے 4,118 ہو گئی ہے، جبکہ 16 ہزار 740 افراد شدید زخمی ہیں۔

24 جون کو آنے والے 7.2 اور 7.5 شدت کے تباہ کن زلزلوں نے ملک کے مختلف حصوں میں بڑے پیمانے پر تباہی مچائی تھی۔ زلزلے سے سب سے زیادہ متاثر ہونے والے ساحلی علاقے ‘لا گوائرا’ میں 800 سے زائد عمارتوں کو شدید نقصان پہنچا ہے جبکہ 190 عمارتیں مکمل طور پر زمین بوس ہو گئیں۔

اگرچہ امدادی ٹیموں نے ملبے تلے زندہ بچ جانے والے افراد کی تلاش کا عمل باضابطہ طور پر ختم کر دیا ہے، تاہم متاثرہ خاندان اب بھی ملبے کے ڈھیروں میں اپنے لاپتہ پیاروں کی لاشوں کو تلاش کرنے میں مصروف ہیں۔

طویل معاشی بحران کی وجہ سے وینزویلا کی سرکاری خدمات اور انفراسٹرکچر پہلے ہی انتہائی کمزور ہو چکا ہے، جس کے باعث ملک کو بحالی کے کاموں میں شدید چیلنجز کا سامنا ہے۔

صورتحال کے پیش نظر اقوام متحدہ نے بدھ کے روز زلزلہ متاثرین کی فوری مدد اور بحالی کے لیے 300 ملین ڈالر کے ہنگامی فنڈ کی اپیل کی ہے۔

تہران(بولونیوز) ایرانی پارلیمنٹ کے اسپیکر محمد باقر قالیباف نے واضح کیا ایران کبھی سرینڈر نہیں کرے گا ، اگر امریکا اسلام آباد ایم اویو سے پیچھے ہٹا تو ہم اپنا دفاع کرنے کیلئے ہیں۔

تفصیلات کے مطابق ایرانی پارلیمنٹ کے اسپیکر محمد باقر قالیباف نے امریکہ اور اسرائیل کو سخت ترین پیغام دیتے ہوئے واضح کیا ہے کہ ایران کسی بھی دباؤ کے سامنے کبھی سرینڈر نہیں کرے گا، اور
امریکاکےساتھ تنازعہ کبھی بھی تہران کےہتھیار ڈالنے پر ختم نہیں ہوگا۔

ایرانی اسپیکر نے علاقائی صورتحال اور بین الاقوامی وعدوں کا حوالہ دیتے ہوئے کہا اگر امریکہ ‘اسلام آباد ایم او یو’ سے پیچھے ہٹا تو ایران اپنا دفاع کرنے کے لیے پوری طرح تیار ہے اور اس کے لیے تمام راستے کھلے ہیں۔

ان کا کہنا تھا کہ یرانی قیادت اور عوام ڈٹ کر کھڑے ہوں گے اور اپنے قومی و عوامی حقوق کا ہر قیمت پر دفاع کریں گے۔ یہ بات سب کو معلوم ہونی چاہیے کہ دباؤ کی پالیسی کام نہیں آئے گی۔

باقر قالیباف نے خطے کی موجودہ صورتحال کے تناظر میں زور دیا کہ تمام مسلم اقوام کو متحد ہو کر امریکہ اور اسرائیل کے جارحانہ اقدامات کے خلاف ایک مضبوط اور مشترکہ مؤقف اپنانا چاہیے۔

انہوں نے واضح کیا کہ اس وقت جنگ کا خاتمہ دنیا کے تمام ممالک کے لیے اولین ترجیح ہونی چاہیے، لیکن امن کا مطلب کمزوری یا سرینڈر کرنا ہرگز نہیں ہے۔

واشنگٹن(بولونیوز) امریکی صدر ڈونلڈ ٹرمپ نے ترکیہ سے واپسی کے دوران سفر کے حساس مرحلے میں نئے قطری تحفے میں ملنے والے طیارے کے بجائے پرانے ایئر فورس ون کا استعمال کیا۔ یہ فیصلہ امریکی حکام کو اسرائیلی انٹیلی جنس کی جانب سے صدر ٹرمپ کو نشانہ بنانے کے مبینہ ایرانی منصوبے سے متعلق اطلاع ملنے کے بعد کیا گیا۔

رپورٹس کے مطابق اگرچہ امریکی حکام نے اس مبینہ خطرے کو مکمل طور پر قابلِ اعتبار قرار نہیں دیا، تاہم احتیاطی تدبیر کے طور پر فیصلہ کیا گیا کہ نیا قطری عطیہ کردہ طیارہ ابھی ایسے اعلیٰ خطرے والے مشنز کے لیے درکار تمام دفاعی صلاحیتوں سے مکمل طور پر لیس نہیں ہے۔

اطلاعات کے مطابق صدر ٹرمپ نے سفر کے سب سے حساس حصے کے لیے پرانے ایئر فورس ون میں پرواز کی، جبکہ بعد میں برطانیہ میں قیام کے بعد واشنگٹن واپسی کے لیے دوبارہ نئے طیارے میں منتقل ہو گئے۔

واشنگٹن(بولونیوز)امریکا اور ایران کے درمیان جاری کشیدگی کے بعد نئی پیشرفت سامنے آئی ہے۔امریکا ایران مذاکرات کا نیا دور آئندہ ہفتے متوقع ہے امریکا ایران کے درمیان مذاکرات کا نیا دور سوئٹزرلینڈ میں ہونے کا امکان ہے۔سفارتی حکام کے مطابق امریکا ایران واضح ہیں کہ اسلام آباد ایم اویو پر واپس آنا چاہیے۔

امریکی صدر ڈونلڈ ٹرمپ نے دعویٰ کیا ہے کہ امریکا نے ایران کی درخواست پر مذاکرات جاری رکھنے پر رضامندی ظاہر کر دی ہے۔

سوشل ٹروتھ پر جاری بیان میں صدر ٹرمپ نے کہا کہ اسلامی جمہوریہ ایران نے مذاکرات جاری رکھنے کی درخواست کی ہے تاہم امریکا نے ایران کوواضح بتا دیا کہ جنگ بندی ختم ہو چکی۔ایران نے خبردار کیا ہے کہ اس کے بنیادی ڈھانچے پر کسی بھی حملے کا جواب دیا جائے گا اور اسرائیل کو بخشا نہیں جائے گا۔

ایران کی سپریم نیشنل سیکورٹی کونسل کے سیکرٹری محمد باقر ذولغدر نے جمعہ کے روز یہ انتباہ جاری کیا جب حالیہ حملوں کے بعد امریکا اور اسرائیل کے ساتھ کشیدگی برقرار ہے۔

نیویارک ٹائمز نے رپورٹ کیا کہ قطر مزید کشیدگی کو روکنے اور مواصلاتی ذرائع کو کھلا رکھنے کی کوشش میں واشنگٹن اور تہران کے درمیان ثالثی کر رہا ہے۔

ڈھاکا(بولونیوز) بنگلہ دیش کی سابق وزیرِ اعظم شیخ حسینہ نے ایک بار پھر دسمبر میں بھارت سے وطن واپس جانے اور عدالت میں خود کو پیش کرنے کے عزم کا اظہار کیا ہے۔

اپنے بیان میں شیخ حسینہ نے کہا کہ انہیں گرفتاری یا جان کو خطرہ لاحق ہو سکتا ہے، تاہم اس کے باوجود وہ اپنی سرزمین پر واپس جانا چاہتی ہیں۔ انہوں نے کہا کہ وہ مقررہ وقت پر بنگلہ دیش پہنچ کر قانونی کارروائی کا سامنا کریں گی۔

سابق وزیرِ اعظم کا کہنا تھا کہ وہ تمام تر خدشات کے باوجود اپنے ملک واپس جانے کے فیصلے پر قائم ہیں اور عدالت کے سامنے پیش ہو کر اپنا مؤقف بیان کریں گی۔

بیجنگ(بولونیوز)چین نے جنوب مغربی شہر چونگ چِنگ میں محض 38 ماہ کے عرصے میں ایک جدید اور وسیع ریلوے اسٹیشن تعمیر کرنے کا دعویٰ کیا ہے، جسے رقبے کے اعتبار سے دنیا کے بڑے ریلوے اسٹیشنوں میں شمار کیا جا رہا ہے۔

چینی میڈیا کے مطابق “چونگ چھنگ ایسٹ” ریلوے اسٹیشن 12 لاکھ 20 ہزار مربع میٹر رقبے پر قائم ہے، جو تقریباً 170 فٹ بال میدانوں کے برابر بنتا ہے۔ رپورٹ کے مطابق اس اسٹیشن میں 29 پلیٹ فارم، 15 ریلوے ٹریکس اور آٹھ منزلہ ڈھانچہ موجود ہے، جبکہ یہ فی گھنٹہ تقریباً 16 ہزار مسافروں کو خدمات فراہم کرنے کی صلاحیت رکھتا ہے۔

رپورٹس کے مطابق یہ منصوبہ پہاڑی علاقے میں تعمیر کیا گیا، جہاں پہلے زمین کو ہموار کرنے کے لیے وسیع پیمانے پر کھدائی کی گئی۔ تعمیراتی کام میں تقریباً 20 لاکھ مکعب میٹر کنکریٹ، 3 لاکھ 66 ہزار ٹن اسٹیل، 40 ہزار کارکنوں اور جدید روبوٹک مشینری کا استعمال کیا گیا۔

چینی حکام کا کہنا ہے کہ یہ منصوبہ ملک کے جدید ریلوے نیٹ ورک کو مزید مضبوط بنانے اور مسافروں کو بہتر سفری سہولیات فراہم کرنے کی جانب ایک اہم پیش رفت ہے۔

مشہد(بولونیوز) سوشل میڈیا اور بعض ذرائع میں یہ دعویٰ کیا جا رہا ہے کہ ایران کے سپریم لیڈر آیت اللہ علی خامنہ ای کو مشہد میں امام علی رضاؑ کے روضہ کے احاطے میں سپردِ خاک کر دیا گیا۔

گردش کرنے والی اطلاعات کے مطابق نمازِ جنازہ ان کے صاحبزادے مصطفیٰ خامنہ ای نے پڑھائی، جبکہ بڑی تعداد میں افراد نے مشہد میں ان کی آخری رسومات میں شرکت کی۔ ان دعوؤں میں یہ بھی کہا گیا ہے کہ ان کا جسدِ خاکی نجف اور کربلا بھی لے جایا گیا، جہاں مذہبی مقامات پر نمازِ جنازہ ادا کی گئی۔

لاس اینجلس(بولونیوز)امریکی محکمۂ انصاف نے اعلان کیا ہے کہ امریکا، کینیڈا اور یورپ میں مشترکہ کارروائیوں کے دوران بھارتی نژاد جرائم پیشہ گروہوں سے تعلق رکھنے والے 24 افراد کو گرفتار کر لیا گیا ہے۔ حکام کے مطابق گرفتار افراد پر بھارت میں قائم تین بین الاقوامی جرائم پیشہ نیٹ ورکس سے وابستگی کے الزامات ہیں۔

امریکی حکام کا کہنا ہے کہ ان گروہوں پر ٹارگٹ کلنگ، بھتہ خوری، منشیات کی اسمگلنگ اور دیگر سنگین جرائم میں ملوث ہونے کے الزامات ہیں۔ تحقیقات میں 2023 میں کینیڈا کے صوبہ برٹش کولمبیا میں سکھ رہنما ہردیپ سنگھ نجار کے قتل کی مبینہ سازش کا پہلو بھی شامل ہے۔

لاس اینجلس میں وفاقی استغاثہ کے مطابق یہ گرفتاریاں کئی برس پر محیط تحقیقات کے بعد عمل میں آئیں، جن میں مبینہ بین الاقوامی جرائم پیشہ نیٹ ورکس کی سرگرمیوں کا جائزہ لیا گیا۔ حکام کے مطابق گرفتار افراد میں لارنس بشنوئی گینگ کے مبینہ ارکان بھی شامل ہیں۔

ایف بی آئی کے لاس اینجلس فیلڈ آفس کے اسسٹنٹ ڈائریکٹر پیٹرک گرانڈی نے کہا کہ کارروائی ایسے بین الاقوامی جرائم پیشہ گروہوں کے خلاف کی گئی ہے جن پر امریکا اور دیگر ممالک میں تشدد اور جرائم کے ذریعے لوگوں کو خوفزدہ کرنے کے الزامات ہیں۔

امریکی محکمۂ انصاف کے مطابق مجموعی طور پر 37 افراد کے خلاف فردِ جرم عائد کی گئی ہے، جبکہ 10 مفرور ملزمان کی تلاش جاری ہے۔ فرسٹ اسسٹنٹ امریکی اٹارنی بل ایسلے نے کہا کہ بین الاقوامی جرائم پیشہ گروہوں کے خلاف قانون کے مطابق سخت کارروائی جاری رکھی جائے گی۔

نئی دہلی(بولونیوز)‏محض 13 سالہ معصوم بچی کو رکشہ ڈرائیور نے اغواء کر کے BJP کے وحشی درندوں کے حوالے کر دیا جہاں 30 سے زائد وحشی درندوں نے 5 دن تک لگاتار اس سے زیادتی کی یہاں تک کے پولیس والوں نے بھی بچی کا ریپ کیا۔

بھارت میں ان 32 درندوں نے پانچ دن تک مختلف مقامات پر ایک معصوم تیرہ سال کی بچی کے ساتھ درندگی کی ہے۔ پکڑے جانے کے بعد عوام غصہ میں ان درندوں پر حملہ اور ہو گئی۔پاکستان میں آخری حل یہی ہے-

واشنگٹن(بولونیوز)امریکی صدر ڈونلڈ ٹرمپ نے ترکیہ پر عائد پابندیاں ختم کرنے کا اعلان کرتے ہوئے ایف-35 جنگی طیاروں کی فروخت پر بھی رضامندی ظاہر کر دی۔ ترک ہم منصب کے ہمراہ گفتگو میں امریکی صدر کا کہنا تھا کہ ایران کے خلاف کارروائی میں امریکا کو کسی اضافی مدد کی ضرورت نہیں تھی۔ انہوں نے کہا کہ امریکا اور ترکیہ کے درمیان دفاعی اور دوطرفہ تعلقات کو مزید مضبوط بنانے کے لیے تعاون جاری رکھا جائے گا۔