شیخ حسینہ کا دسمبر میں وطن واپسی اور عدالت میں پیش ہونے کا اعلان

ڈھاکا(بولونیوز) بنگلہ دیش کی سابق وزیرِ اعظم شیخ حسینہ نے ایک بار پھر دسمبر میں بھارت سے وطن واپس جانے اور عدالت میں خود کو پیش کرنے کے عزم کا اظہار کیا ہے۔

اپنے بیان میں شیخ حسینہ نے کہا کہ انہیں گرفتاری یا جان کو خطرہ لاحق ہو سکتا ہے، تاہم اس کے باوجود وہ اپنی سرزمین پر واپس جانا چاہتی ہیں۔ انہوں نے کہا کہ وہ مقررہ وقت پر بنگلہ دیش پہنچ کر قانونی کارروائی کا سامنا کریں گی۔

سابق وزیرِ اعظم کا کہنا تھا کہ وہ تمام تر خدشات کے باوجود اپنے ملک واپس جانے کے فیصلے پر قائم ہیں اور عدالت کے سامنے پیش ہو کر اپنا مؤقف بیان کریں گی۔