کراچی (بولونیوز) ٹریفک پولیس کے ای چالان سسٹم کے پہلے مہینے میں 93 ہزار سے زائد چالان کیے گئے جن کے جرامانے 71 کروڑ روپے سے تجاوز کر گئے۔ سب سے زیادہ چالان سیٹ بیلٹ نہ پہننے (57,541) اور ہیلمٹ نہ پہننے (22,227) پر کیے گئے۔ تیز رفتاری اور سگنل خلاف ورزی پر بھی ہزاروں چالان جاری ہوئے۔
لاہور (بولونیوز) پنجاب حکومت نے ٹریفک قوانین کی خلاف ورزی پر نئے جرمانے متعارف کرا دیے۔ تیز رفتاری پر موٹرسائیکل پر 2 ہزار اور کار پر 5 ہزار روپے جرمانہ ہوگا۔ ٹریفک سگنل توڑنے پر کاروں کے جرمانے 5 ہزار سے 15 ہزار روپے تک ہوں گے۔
اوور اسپیڈنگ پر جرمانوں میں 300 فیصد تک اضافہ کیا گیا ہے۔ بغیر فٹنس سرٹیفکیٹ گاڑی چلانے پر ایک لاکھ روپے جرمانہ یا قید کی سزا ہو سکتی ہے۔ چالان دستاویز اب مکمل طور پر الیکٹرانک ہوگی اور فرنٹ سیٹ پر بیٹھنے والے کے لیے سیٹ بیلٹ لازمی ہوگی۔
راولپنڈی(بولونیوز)25 نومبر کو سنٹرل کرم کے علاقے گواکی میں نامعلوم armed elements نے ایک سیکورٹی اہلکار کے گھر پر کواڈ کاپٹر سے حملہ کیا، جس کے نتیجے میں 5 معصوم شہری، بشمول بچے، شہید ہو گئے۔ حملے کی ذمہ داری کسی گروہ نے قبول نہیں کی۔ مقامی حکام واقعہ کی تحقیقات کر رہے ہیں اور مزید کارروائی کا وعدہ کیا ہے۔
کوئٹہ(بولونیوز)کسٹمز انفورسمنٹ نے مستونگ میں ایک گودام پر چھاپے مار کر 8 کروڑ 10 لاکھ روپے مالیت کی 11 غیرقانونی گاڑیاں ضبط کر لیں۔ ضبط شدہ گاڑیوں میں ٹویوٹا پرییس، ہونڈا ویزل اور پراڈو جیپ جیسی گاڑیاں شامل ہیں۔ یہ کارروائی اسمگلنگ روکنے کے حوالے سے اہم کامیابی قرار دی جا رہی ہے۔
راولپنڈی(بولونیوز)پاک فوج کے سربراہ فیلڈ مارشل عاصم منیر نے نیشنل سیکیورٹی ورکشاپ کے شرکاء سے خطاب میں قومی سلامتی کو اولین ترجیح قرار دیتے ہوئے کہا کہ “قومی اتحاد سب سے بڑی طاقت ہے اور ہم دشمن کے عزائم ناکام بنائیں گے”۔
انہوں نے کہا کہ پاکستان جیوپولیٹیکل مقابلے، دہشت گردی اور ہائبرڈ جنگ جیسے چیلنجز کا سامنا کر رہا ہے، لیکن افواج و ادارے ہمت سے ڈٹے ہیں۔ فیلڈ مارشل نے زور دیا کہ ہر شہری کا تحفظ اولین ترجیح ہے اور پائیدار امن کے لیے قومی ہم آہنگی ناگزیر ہے۔
کراچی(بولونیوز)پاکستان ایئرپورٹس اتھارٹی نے کہا ہے کہ میڈیا سے مؤدبانہ گزارش ہے کہ معمول کی ہوا بازی کے طریقۂ کار کو سنسنی خیز انداز میں پیش کرنے سے گریز کیا جائے۔
ترجمان پاکستان ایئرپورٹس اتھارٹی کے مطابق اسلام آباد انٹرنیشنل ایئرپورٹ پر پرواز SV728 کا گو اَراؤنڈ ایک بالکل معمول کا، بین الاقوامی سطح پر رائج حفاظتی عمل تھا، جو طے شدہ طریقۂ کار کے مطابق بروقت اور درست انداز میں انجام دیا گیا۔
ترجمان کا کہنا ہے کہ گو اَراؤنڈ کسی ہنگامی صورت حال کی نشان دہی نہیں کرتا، نہ ہی باعث تشویش ہے، سنسنی خیز رپورٹنگ عوام میں غیر ضروری تشویش پیدا کر سکتی ہے اور ہوا بازی کے معمولات کے بارے میں غلط فہمیاں بڑھا سکتی ہے۔
کراچی(بولونیوز)گلشن معمار ناردرن بائی پاس کے قریب گھر میں ڈکیتی کے دوران مزاحمت پر فائرنگ سے شخص جاں بحق ہوگیا۔
تفصیلات کے مطابق کراچی میں گلشنِ معمار ناردرن بائی پاس کے قریب واقع گھر میں ڈکیتی کی واردات ہوئی۔
لواحقین نے بتایا کہ 15 سے زائد مسلح ڈاکو گھر میں داخل ہوئے اور مزاحمت پر فائرنگ کردی ، دوران فائرنگ سے ایک شخص زخمی ہوا ، جو بعد ازاں دم توڑ گیا۔
جاں بحق ہونے والے شخص کی شناخت نور بہار کے نام سے ہوئی ہے، اہلِ خانہ کا کہنا تھا کہ 15 پر کال کے باوجود پولیس نہ جائے وقوعہ پہنچی اور نہ ہی اسپتال آئی۔
کراچی(بولونیوز)ایڈیشنل آئی جی جاوید عالم اوڈھو کے مطابق کراچی میں اسٹریٹ کرائمز میں 14 فیصد کمی واقع ہوئی ہے۔ انہوں نے بتایا کہ سی سی ٹی وی کیمروں نے جرائم کی روک تھام میں اہم کردار ادا کیا ہے۔ انہوں نے 90 کی دہائی کی بدامنی کا حوالہ دیتے ہوئے کہا کہ پولیس اور شہریوں کی قربانیوں کے بعد شہر میں امن قائم ہوا ہے۔
کراچی(بولونیوز)400بار مسترد ہونے والا انجینئر اب 365 کھرب روپے مالیت کی کمپنی کا سربراہ،امریکا کے دوسرے سب سے زیادہ کمانےوالےسی ای او،بھارت کےنکیش آرورا کی سالانہ آمدنی42 ارب 36 کروڑ روپے، مجموعی دولت تقریباً 4 کھرب 21 ارب روپے،غازی آباد سےسلیکون ویلی تک،400 ناکامیوں کےبعد عالمی کامیابی کا سفر،نکیش آرورا کی متاثر کن کہانی، دنیا میں سب سے زیادہ معاوضہ پانے والےسی ای او ایلون مسک ہیں۔ تفصیلات کےمطابق پالو آلٹو نیٹ ورکس کے چیئرمین اور سی ای او نکیش آرورا کا سفر عالمی ٹیک انڈسٹری کی ایک نایاب کامیابی کی مثال ہے۔جوشخص400مرتبہ نوکری کے لئے مسترد ہوا، وہ چند سال بعد دنیا کے سب سے زیادہ کمائی کرنے والے لوگوں میں شامل ہو گیا۔بھارتی میڈیا کے مطابق بھارت کے شہر غازی آباد میں ایک ایئر فورس افسر کے گھر پیدا ہونے والے نکیش آج دنیا کے سب سے زیادہ معاوضہ پانے والے سی ای اوز میں شامل ہیں، جب کہ وہ اربوں ڈالر مالیت رکھنے والی سائبر سکیورٹی کمپنی کی قیادت کر رہے ہیں۔جولائی 2025 کی رپورٹس کے مطابق ان کی کل مالیت تقریباً 4کھرب 21 ارب روپے( 1.5 ارب ڈالر) ہے، جس میں پالو آلٹو نیٹ ورکس کے 2.2 ملین سے زیادہ شیئرز اور الفابیٹ میں ان کی ہولڈنگز شامل ہیں۔آئی آئی ٹی وارانسی سے انجینئرنگ مکمل کرنے کے بعد وہ اعلیٰ تعلیم کے لئے امریکہ گئے، جہاں انہوں نے فنانس میں ماسٹرز اور ایم بی اے کیا۔ پیشہ ورانہ سفر کی ابتدا فڈیلٹی اور پٹنم انویسٹمنٹس سے ہوئی، مگر اصل موڑ 2004 میں آیا جب وہ گوگل سے وابستہ ہوئے۔ یہاں انہوں نے اشتہاری آمدنی کو 2 ارب ڈالر سے بڑھا کر 60 ارب ڈالر سے زیادہ تک پہنچایا اور کمپنی کی عالمی توسیع میں کلیدی کردار ادا کیا۔
لندن (بولونیوز) مغربی علاقے میں ایک گودام میں آگ بھڑک اٹھی جس میں آتش بازی کا سامان شامل ہونے کے باعث دھماکے ہوئے۔ 25 فائر انجنوں اور 150 اہلکاروں نے آگ پر قابو پایا۔ احتیاطی طور پر تین اسکولوں اور ایک رہائشی بلاک کو خالی کرا لیا گیا ہے جبکہ 100 سے زائد افراد کو عارضی پناہ گاہ میں منتقل کیا گیا۔