ایران سے جنگ بندی کے خاتمے کے اعلان کے بعد پاکستان اسٹاک ایکسچینج میں شدید مندی، تیل کی قیمتوں میں بھی اضافہ
کراچی(بولونیوز)امریکی صدر ڈونلڈ ٹرمپ کی جانب سے ایران کے ساتھ جنگ بندی ختم کرنے کے اعلان کے بعد پاکستان اسٹاک ایکسچینج میں شدید مندی دیکھی گئی۔
مارکیٹ کے دوران پاکستان اسٹاک ایکسچینج کا 100 انڈیکس 6,713 پوائنٹس کی کمی کے بعد 179,542 پوائنٹس کی سطح پر آ گیا، جس کے باعث سرمایہ کاروں میں تشویش کی لہر دوڑ گئی۔
دوسری جانب عالمی منڈی میں خام تیل کی قیمتوں میں بھی نمایاں اضافہ ریکارڈ کیا گیا۔ برینٹ کروڈ کی قیمت 6 فیصد اضافے کے بعد 78.82 ڈالر فی بیرل جبکہ ڈبلیو ٹی آئی خام تیل 74.96 ڈالر فی بیرل تک پہنچ گیا۔
ماہرین کے مطابق مشرقِ وسطیٰ میں بڑھتی ہوئی کشیدگی اور جغرافیائی سیاسی صورتحال کے باعث عالمی مالیاتی منڈیوں اور توانائی کی قیمتوں پر دباؤ بڑھ گیا ہے۔
