صدر ڈونلڈ ٹرمپ کا تیل کمپنیوں کو پٹرول سستا کرنے کا حکم
واشنگٹن ڈی سی(بولونیوز)امریکی صدر ڈونلڈ ٹرمپ نے تیل کمپنیوں کو پٹرول کی قیمتیں کم کرنے کا حکم دیتے ہوئے فوری اقدامات کی ہدایت جاری کر دی ہے۔
عالمی مارکیٹ میں خام تیل کی قیمتوں میں مسلسل کمی کے باوجود بڑی تیل کمپنیاں عوام کو سستا پٹرول فراہم نہیں کر رہیں، جس پر صدر ٹرمپ نے سخت ردِعمل دیا ہے۔
ڈونلڈ ٹرمپ کا کہنا ہے کہ قیمتیں کم نہ کرنا صارفین کے ساتھ کھلی لوٹ مار کے مترادف ہے۔ انہوں نے کہا کہ تیل کمپنیوں کو چاہیے کہ وہ عالمی منڈی کے رجحان کے مطابق فوری طور پر پٹرول کی قیمتیں کم کریں۔
انہوں نے مزید ہدایت دی کہ وزارتِ انصاف اس معاملے کی فوری تحقیقات کرے اور تیل کمپنیوں کے خلاف ضروری قانونی کارروائی عمل میں لائی جائے۔
صدر ٹرمپ نے زور دیتے ہوئے کہا کہ پٹرول کی قیمتیں جلد از جلد نیچے لائی جائیں تاکہ عام صارفین کو ریلیف مل سکے۔
