ناروے کی صحافی کا مودی سے آزادیٔ صحافت اور انسانی حقوق پر سخت سوال
اوسلو(بولونیوز)اوسلو میں ایک پریس ایونٹ کے دوران ناروے کی صحافی ہیلی لنگ سوینسن نے بھارتی وزیرِ اعظم نریندر مودی سے آزادیٔ صحافت اور آزاد میڈیا سے سوالات کے حوالے سے سخت سوال اٹھا دیا۔
تفصیلات کے مطابق مودی کے مبینہ یورپ دورے کے دوران بھارتی میڈیا پالیسی، انسانی حقوق اور اقلیتوں کے حوالے سے بین الاقوامی سطح پر سوالات اٹھائے گئے، جس پر مختلف حلقوں میں بحث شروع ہو گئی۔
رپورٹس میں کہا گیا ہے کہ صحافی نے اس بات پر سوال کیا کہ بھارت میں آزاد میڈیا کو کس حد تک رسائی حاصل ہے اور حکومتی سطح پر تنقید کو کس انداز میں دیکھا جاتا ہے۔
میڈیا رپورٹس کے مطابق اس موقع پر بھارتی وفد کی جانب سے مختلف مؤقف پیش کیے گئے، جبکہ عالمی میڈیا میں اس معاملے پر مختلف آرا سامنے آ رہی ہیں۔
عالمی مبصرین کے مطابق اس نوعیت کے سوالات نے بھارت کی میڈیا پالیسی اور بین الاقوامی سطح پر اس کے تشخص پر نئی بحث کو جنم دیا ہے، تاہم اس حوالے سے سرکاری سطح پر مزید تفصیلات کا انتظار کیا جا رہا ہے۔
