سڈنی حملے میں ملوث ساجد اکرم کے بھارتی ہونے کا انکشاف
سڈنی(بولونیوز)سڈنی کے ساحل پر ہونے والے حالیہ حملے میں ملوث ساجد اکرم کے بھارتی ہونے کا انکشاف ہوا ہے۔ 24 سالہ حملہ آور نوید اکرم کے ساتھ کام کرنے والے ایک شخص نے بتایا کہ نوید کے والد ساجد اکرم کا تعلق بھارت سے ہے جبکہ ان کی ماں اٹلی کی ہیں۔
ذرائع کے مطابق حملے کے بارے میں اکثر بات چیت کے دوران یہ بھی معلوم ہوا کہ نوید کے پاس اسلحے کا قانونی لائسنس موجود تھا، تاہم کسی نے یہ سوچا بھی نہیں تھا کہ وہ اس طرح کا حملہ کر سکتا ہے۔
واضح رہے کہ آسٹریلیا میں اس دہشت گردی کے واقعے کے بعد پاکستان کے خلاف پروپیگنڈا زور پکڑ گیا تھا۔ سڈنی حملے میں متعدد افراد ہلاک ہوئے، اور کچھ اسرائیلی، بھارتی میڈیا اور سوشل میڈیا اکاؤنٹس نے اس واقعے کو پاکستان سے جوڑنے کی کوشش کی۔
اسرائیلی اخبار یروشلم پوسٹ نے حملہ آوروں کو پاکستانی قرار دیا جبکہ ‘را’ سے منسلک سوشل میڈیا اکاؤنٹس نے بھی پاکستان کے خلاف گمراہ کن پروپیگنڈا شروع کر دیا۔ تاہم حالیہ انکشاف سے یہ واضح ہو گیا ہے کہ ساجد اکرم کا تعلق بھارت سے ہے، جس سے پروپیگنڈے کی حقیقت سامنے آ گئی ہے۔
