بحیرۂ عرب میں گرنے والے کارگو طیارے کے عملے کی تلاش جاری، مزید ملبہ مل گیا

کراچی(بولونیوز) پاکستان ایوی ایشن اتھارٹی (پی اے اے) نے کہا ہے کہ بحیرۂ عرب میں گرنے والے کارگو طیارے کے عملے کی تلاش کا آپریشن بدستور جاری ہے، جبکہ طیارے کا مزید ملبہ بھی تلاش کر لیا گیا ہے۔

پی اے اے کے جاری کردہ بیان کے مطابق پاک بحریہ اور پاکستان میری ٹائم سکیورٹی ایجنسی گہرے سمندر میں مشترکہ سرچ اینڈ ریسکیو آپریشن جاری رکھے ہوئے ہیں تاکہ لاپتا عملے کو تلاش کیا جا سکے۔

حکام کے مطابق امدادی ٹیمیں مسلسل کارروائیاں کر رہی ہیں، جبکہ طیارے کے مزید ملبے کی برآمدگی کے بعد حادثے کی تحقیقات بھی جاری ہیں۔