پاکستان نے ایل این جی کا ایک اور اسپاٹ کارگو خرید لیا

اسلام آباد(بولونیوز) پاکستان نے توانائی ضروریات پوری کرنے کے لیے مائع قدرتی گیس (ایل این جی) کا ایک اور اسپاٹ کارگو خرید لیا۔پاکستان ایل این جی لمیٹڈ (پی ایل ایل) کے مطابق 15 سے 16 جولائی کے دوران سپلائی ہونے والے ایل این جی کارگو کے لیے مجموعی طور پر تین بولیاں موصول ہوئیں۔

پی ایل ایل کے مطابق شفاف خریداری کے عمل کے تحت سب سے کم بولی کو منظور کر لیا گیا۔ کامیاب بولی 18.23 ڈالر فی ایم ایم بی ٹی یو رہی، جبکہ دیگر دو بولیاں بالترتیب 18.59 ڈالر اور 18.72 ڈالر فی ایم ایم بی ٹی یو تھیں۔

حکام کے مطابق ایل این جی کارگو کی خریداری کا مقصد ملک میں گیس کی طلب پوری کرنا اور توانائی کی فراہمی کو یقینی بنانا ہے۔