اسلام آباد(بولونیوز) چیئرمین بحریہ ٹاؤن ملک ریاض کی پراپرٹیز کی نیلامی کے نوٹس کے خلاف دائر درخواست پر سماعت کرنے والا بینچ ٹوٹ گیا۔
ذرائع کے مطابق جسٹس ارباب محمد طاہر نے کیس کی فائل چیف جسٹس سرفراز ڈوگر کو بھجوا دی ہے، تاکہ آئندہ کی سماعت کے لیے نیا بینچ تشکیل دیا جا سکے۔
واضح رہے کہ قومی احتساب بیورو (نیب) کی جانب سے بحریہ ٹاؤن کی پانچ پراپرٹیز کی نیلامی کے لیے 7 جولائی کو نوٹس جاری کیا جا چکا ہے۔ نیب کے نوٹس کے مطابق یہ نیلامی مقررہ تاریخ کو کی جانی ہے، تاہم بحریہ ٹاؤن کی جانب سے اس کارروائی کو عدالت میں چیلنج کیا گیا ہے۔
قانونی ماہرین کے مطابق بینچ ٹوٹنے کے بعد کیس کی سماعت میں تاخیر کا امکان ہے، جبکہ آئندہ پیش رفت چیف جسٹس کی ہدایات اور نئے بینچ کی تشکیل سے مشروط ہوگی۔ نیب کی جانب سے جاری نیلامی کے عمل اور عدالتی کارروائی پر تمام فریقین کی نظریں مرکوز ہیں۔
Leave a Reply