کنگڈم ویلی کے مالک غلام حسین شاہد کے خلاف فراڈ کیس میں عبوری ضمانت میں توسیع
اسلام آباد(بولونیوز)کنگڈم ویلی کے مالک غلام حسین شاہد کے خلاف فائلوں اور پلاٹس کے بدلے رقم ہڑپ کرنے کے الزام سے متعلق مقدمے میں عدالت نے ملزم کی عبوری ضمانت میں 10 جولائی تک توسیع کر دی۔
کیس کی سماعت ایڈیشنل سیشن جج اسلام آباد (مغرب) محمد علی وڑائچ نے کی۔ دورانِ سماعت تفتیشی افسر نے عدالت سے استدعا کی کہ تفتیش مکمل کرنے کے لیے مزید وقت دیا جائے۔
عدالت نے پولیس کی استدعا منظور کرتے ہوئے کیس کی سماعت 10 جولائی تک ملتوی کر دی۔پولیس کے مطابق ملزم غلام حسین شاہد کے خلاف پلاٹس اور فائلز کے بدلے اکتیس کروڑ روپے کے فراڈ کا الزام ہے، جس پر تھانہ کوہسار میں مقدمہ درج کیا گیا ہے۔
