’آپریشن سندور‘ میں ہلاک ہونے والے چھ فوجیوں کے نام انڈین حکومت نے جاری کر دیے
نئی دہلی(بولونیوز)انڈین حکومت نے مئی 2025 میں پاکستان کے خلاف کیے گئے فوجی حملے ’آپریشن سندور‘ کے دوران جان سے جانے والے چھ فوجی اہلکاروں کے نام پہلی مرتبہ باضابطہ طور پر جاری کر دیے ہیں۔
انڈین ویب سائٹ دی ہندو کے مطابق یہ نام نیشنل وار میموریل میں سنہ 2025 کے ’رول آف آنر‘ پر کندہ کر دیے گئے ہیں، جبکہ انہیں یادگار کی سرکاری ویب سائٹ پر بھی شامل کر لیا گیا ہے۔
حکومتی بیان کے مطابق ’آپریشن سندور‘ میں جان گنوانے والے اہلکاروں میں درج ذیل نام شامل ہیں:
ہیڈکوارٹر 10 انفنٹری بریگیڈ کے صوبیدار میجر پون کمار، جموں و کشمیر لائٹ انفنٹری کے رائفل مین سنیل کمار، فائیو فیلڈ رجمنٹ کے لانس نائیک دنیش کمار، 851 لائٹ رجمنٹ کے ایوی ایشن ٹیکنیشن موڈ مورالینائک، 237 فیلڈ ورکشاپ کمپنی کے حوالدار سنیل کمار سنگھ اور 39 ونگ کے سارجنٹ سریندر کمار۔
رپورٹ کے مطابق ان ناموں کی شمولیت کے بعد یہ اہلکار سرکاری طور پر انڈین مسلح افواج کے شہدا کی فہرست میں شامل ہو گئے ہیں، جنہیں نئی دہلی میں قائم قومی یادگار پر خراجِ عقیدت پیش کیا جاتا ہے۔
