چین نے سپر کمپیوٹنگ میں امریکہ سے پہلی پوزیشن چھین لی

بیجنگ(بولونیوز)سپرکمپیوٹنگ کی دنیا میں ایک بڑی پیش رفت سامنےآئی ہے جہاں چین نے عالمی درجہ بندی میں پہلی پوزیشن حاصل کرتے ہوئے امریکہ کو پیچھے چھوڑ دیا ہے۔

رپورٹ کے مطابق چینی سپر کمپیوٹر “لائن شائن” (LineShine) عالمی رینکنگ میں ٹاپ پوزیشن پر آ گیا ہے، جس کی رفتار 2.2 ایکسا فلاپس تک پہنچ گئی ہے۔

اس سے قبل امریکی سپر کمپیوٹر “ایل کیپٹن” (El Capitan) دنیا کا تیز ترین سپر کمپیوٹر قرار دیا جاتا تھا، تاہم تازہ درجہ بندی میں یہ دوسری پوزیشن پر چلا گیا ہے۔

ماہرین کے مطابق یہ پیش رفت چین کی مقامی ٹیکنالوجی، جدید کمپیوٹنگ انفراسٹرکچر اور سائنسی تحقیق کے شعبے میں بڑی کامیابی قرار دی جا رہی ہے، جو عالمی سپر کمپیوٹنگ مقابلے میں طاقت کے توازن کو متاثر کر سکتی ہے۔