ریلوے کے ذریعے پاکستان کو ایل پی جی کی ترسیل شروع، تاریخی پیشرفت قرار

تہران(بولونیوز)ایران نے ریلوے لائنز کے ذریعے خصوصی ٹینکرز کے ذریعے پاکستان کو مائع پیٹرولیم گیس (ایل پی جی) کی ترسیل شروع کر دی ہے۔یہ ترسیل امریکی استثنیٰ کے بعد شروع ہوئی ہے اور اسے دونوں ممالک کے درمیان توانائی کے شعبے میں ایک اہم اور تاریخی پیشرفت قرار دیا جا رہا ہے۔

توانائی ماہرین کے مطابق اس اقدام سے پاکستان کے شدید توانائی بحران میں کمی آنے اور درآمدی بل میں نمایاں کمی کے امکانات ہیں، جبکہ یہ پیشرفت پاک-ایران اقتصادی تعاون کے ایک نئے دور کا آغاز بھی سمجھی جا رہی ہے۔

ذرائع کا کہنا ہے کہ ریلوے کے ذریعے ایل پی جی کی باقاعدہ ترسیل مستقبل میں توانائی کی سپلائی چین کو مزید مستحکم بنانے میں اہم کردار ادا کر سکتی ہے۔