کراچی دبئی سے آگے تھا، الطاف نامی شخص نے تباہ کر دیا، شرجیل میمن کی پریس کانفرنس

کراچی(بولونیوز)پیپلز پارٹی کے رہنما شرجیل انعام میمن نے اعلان کیا ہے کہ چیئرمین بلاول بھٹو زرداری کا خطاب ملک بھر میں اسکرینوں کے ذریعے براہِ راست نشر کیا جائے گا۔ انہوں نے پارٹی کی خدمات کو سراہتے ہوئے کہا کہ شہید ذوالفقار علی بھٹو نے پاکستان کو ایٹمی طاقت بنایا، جبکہ شہید بینظیر بھٹو نے میزائل ٹیکنالوجی دی۔

میمن نے وزیر خارجہ بلاول بھٹو کے بھارت میں کشمیر کا مقدمہ پیش کرنے کی تعریف کی اور کہا کہ پیپلز پارٹی نے جمہوریت کے لیے قربانیاں دی ہیں۔ انہوں نے مخالفین پر تنقید کرتے ہوئے کہا کہ عمران خان جیل میں سہولیات حاصل کر رہے ہیں، جبکہ کراچی کی ترقی کے منصوبوں پر کام جاری ہے۔