مولانا عزت اللہ قتل کیس میں دہشتگردی سمیت مقدمہ درج
پشاور(بولونیوز)بورڈ تاج آباد میں مولانا عزت اللہ کے قتل کا مقدمہ تھانہ سی ٹی ڈی میں دہشتگردی سمیت اہم دفعات کے تحت درج کر لیا گیا ہے۔
پولیس رپورٹ کے مطابق مولانا عزت اللہ اپنے مدرسہ جامعہ عصریہ سے گھر جا رہے تھے کہ نامعلوم موٹر سائیکل سواروں نے ان کی گاڑی پر فائرنگ کر کے انہیں قتل کر دیا۔
رپورٹ میں یہ بھی درج ہے کہ مولانا کو کالعدم تنظیم داعش کی جانب سے پہلے ہی باقاعدہ قتل کی دھمکیاں موصول ہو رہی تھیں۔ مزید تفتیش جاری ہے۔
