ہانگ کانگ(بولونیوز)ایک کثیرالمنزلہ رہائشی کمپلیکس میں بڑی آگ لگنے سے 44 افراد ہلاک ہو گئے ہیں جبکہ 29 زخمی ہیں۔ ہلاکتوں میں ایک فائر فائٹر بھی شامل ہے۔
آگ پر قابو پانے کی کوششیں جاری ہیں اور متعدد افراد عمارت میں پھنسے ہوئے ہیں۔ حکام کے مطابق 279 افراد لاپتہ ہیں جبکہ 700 افراد کو عارضی پناہ گاہوں میں منتقل کیا گیا ہے۔
8 بلاکس پر مشتمل اس رہائشی کمپلیکس میں تقریباً 5 ہزار افراد رہائش پذیر ہیں۔ آگ لگنے کی وجہ ابھی تک معلوم نہیں ہو سکی۔
لاہور(بولونیوز)پاکستانی مذہبی اسکالر مفتی عبدالقوی کی ایک ویڈیو سوشل میڈیا پر توجہ کا مرکز بنی ہوئی ہے جس میں وہ بالی ووڈ اداکارہ ایشوریا رائے سے نکاح کرنے سے متعلق بیان دیتے نظر آتے ہیں۔وائرل ویڈیو میں مفتی عبدالقوی نے دعویٰ کیا کہ ایشوریا رائے اور ان کے شوہر ابھیشیک بچن کے درمیان علی/حدگی کی صورتحال پیدا ہو رہی ہے، اور اگر ایسا ہوا تو ’دو سے چار ماہ میں ایشوریا رائے کی جانب سے میرے لیے پیغامِ نکاح آجائے گا-
قصور(بولونیوز)تھانہ صدر قصور کے علاقہ پتوں کلاں میں اوباشوں نے خواتین و نو عمر لڑکیوں کی نازیبا ویڈیوز بنا کر انہیں بلیک میل کیا۔ پولیس نے کارروائی کرتے ہوئے دو ملزمان سفیان اور دانش کو گرفتار کر لیا۔
گرفتار ملزمان کے موبائل فونز سے کئی غیر اخلاقی ویڈیوز برآمد ہوئیں جنہیں انہوں نے بنانے اور بلیک میل کرنے کا اعتراف کیا۔ ایک موبائل شاپ مالک احسان کے بارے میں بھی انکشاف ہوا کہ اس نے درجنوں ویڈیوز چرا کر فروخت کی تھیں۔
پولیس نے سب انسپکٹر عمران کی زیر قیادت مقدمہ درج کر کے مزید تحقیقات کا آغاز کر دیا ہے۔
اسلام آباد(بولونیوز)پاکستان نے بابری مسجد کی جگہ تعمیر کیے گئے رام مندر پر بھارتی وزیراعظم نریندر مودی کی جانب سے جھنڈا لہرائے جانے پر شدید تشویش کا اظہار کیا ہے۔ ترجمان دفتر خارجہ کے مطابق یہ اقدام نہ صرف تاریخی حقائق کی توہین ہے بلکہ بھارت میں اقلیتوں، خصوصاً مسلمانوں کے مذہبی و ثقافتی ورثے کو مٹانے کے بڑھتے ہوئے رجحان کی عکاسی کرتا ہے۔
ترجمان نے یاد دلایا کہ 6 دسمبر 1992 کو بابری مسجد کو انتہا پسند ہجوم نے شہید کیا تھا، جب کہ بعد ازاں ہونے والی عدالتی کارروائیاں بھی مسلمانوں کے ساتھ امتیازی سلوک کی نشاندہی کرتی ہیں۔ دفتر خارجہ نے کہا کہ بھارت میں متعدد تاریخی مساجد کو خطرات لاحق ہیں اور مسلمان سماجی، معاشی اور سیاسی سطح پر شدید محرومی کا سامنا کر رہے ہیں۔
پاکستان نے عالمی برادری، خصوصاً اقوام متحدہ اور متعلقہ عالمی اداروں سے مطالبہ کیا ہے کہ بھارت میں بڑھتی ہوئی اسلاموفوبیا، نفرت انگیزی اور مسلم ورثے کی بے حرمتی کا نوٹس لیا جائے اور مؤثر کردار ادا کیا جائے۔
واضح رہے کہ ایودھیا میں بابری مسجد کی جگہ تعمیر کیے گئے رام مندر کی تکمیل مودی حکومت کے دور میں مذہبی انتہا پسندی کی علامت سمجھی جا رہی ہے۔ مسجد کی شہادت کے بعد ہونے والے فسادات میں دو ہزار سے زائد افراد کی جانیں ضائع ہوئیں، جن میں اکثریت مسلمانوں کی تھی۔
بھارتی سپریم کورٹ نے 2019 میں اعتراف کیا تھا کہ مسجد کی شہادت غیر قانونی تھی، لیکن اس کے باوجود زمین مندر کی تعمیر کے لیے ہندو ٹرسٹ کے حوالے کردی گئی، جسے عالمی ماہرین نے قانون کی پامالی قرار دیا-
خیبرپختونخوا(بولونیوز)وزیر اعلیٰ خیبر پختونخوا سہیل آفریدی نے اڈیالہ جیل میں عمران خان سے ملاقات روکنے پر سخت برہمی کا اظہار کیا ہے۔ انہوں نے کہا کہ وہ آٹھویں بار جیل جانے سے روکے گئے ہیں اور سوال کیا کہ “مجھے عمران خان سے ملنے کیوں نہیں دے رہے؟”
آفریدی نے اس اقدام کو پاکستان کے لیے نقصان دہ قرار دیتے ہوئے کہا کہ ایک صوبے کے وزیر اعلیٰ کو روکنا اچھی بات نہیں۔ انہوں نے مطالبہ کیا کہ اگر انہیں روکا جا رہا ہے تو تحریری طور پر بتایا جائے کہ عدالتی احکامات کیوں نہیں مانے جا رہے۔
فیصل آباد(بولونیوز)زرعی یونیورسٹی بورے والا کیمپس میں ایک پروفیسر کے جنسی ہراسگی کے واقعے کی ویڈیو سوشل میڈیا پر وائرل ہو گئی ہے۔ وائرل ویڈیو میں پروفیسر یحییٰ نے ایک طالبہ سے کہا، “پیپرز میں 2 نمبر اضافی لگانے پر مجھے کیا دو گی؟”۔
یہ واقعہ یونیورسٹی میں بڑے سکینڈل کا سبب بنا ہے۔ انتظامیہ نے معاملے کی چھان بین شروع کر دی ہے اور متعلقہ پروفیسر کے خلاف کارروائی کا اعلان کیا ہے۔
لاہور(بولونیوز)الیکشن کمیشن پاکستان نے ضمنی انتخابات کے نتائج کے بعد قومی اسمبلی کے 5 اور پنجاب صوبائی اسمبلی کے 7 حلقوں سے کامیاب امیدواروں کے نوٹیفکیشن جاری کر دیے ہیں۔
تاہم، این اے-96 فیصل آباد سے بلال چوہدری کی کامیابی کا نوٹیفکیشن ابھی جاری نہیں کیا گیا ہے۔
اسلام آباد(بولونیوز)پولیس نے ڈانس پارٹیوں اور مساج سینٹروں کے نام پر فحاشی اڈوں کیخلاف کارروائی کرتے ہوئے درجنوں لڑکیوں اور مرد کو گرفتار کرلیا۔
اسلام آباد میں ڈانس پارٹیوں اور مساج سینٹروں کے نام پر فحاشی اڈوں کیخلاف پولیس نے کارروائی کی، تھانہ شالیمار پولیس کے ایک ہی رات میں 5 چھاپے کے دوران 21 لڑکیاں اور 19 مرد کو گرفتار کیا گیا ہے۔
شالیمار پولیس کا کہنا ہے کہ گرفتار ہونے والوں کیخلاف تھانہ شالیمار میں مقدمات درج ہیں جبکہ مزید کارروائی جاری ہے۔
لاہور(بولونیوز)جماعت اسلامی کے امیر حافظ نعیم الرحمان نے بلدیاتی حکومتوں کے اختیارات کی بحالی کے لیے 7 دسمبر کو پنجاب بھر میں احتجاجی مظاہروں کا اعلان کیا ہے۔
انہوں نے پریس کانفرنس میں کہا کہ تحریک بدل دو نظام کو آگے بڑھاتے ہوئے عوامی مسائل پر دھرنوں اور اسمبلیوں کے گھیراؤ کی حکمت عملی اپنائی جائے گی۔ ان کا کہنا تھا کہ سندھ میں عوام کو لوٹا جا رہا ہے اور کراچی میں کرپشن کے خلاف آواز اٹھائی جائے گی۔
لاہور(بولونیوز)فیملی کورٹ لاہور میں جج رخسانہ امین نے جہیز واپسی کے ایک مقدمے میں انوکھی کارروائی کرتے ہوئے جہیز کا سامان براہ راست عدالت میں منگوا کر خاتون گل زیب کے حوالے کیا۔
خاتون کو طلاق کے بعد جہیز واپس نہ ملنے پر عدالت آئی تھی۔ عدالت نے سامان کی جانچ کی تو خراب سامان واپس کرتے ہوئے ہدایت دی کہ اس کی قیمت خاتون کو ادا کی جائے۔ باقی سامان خاتون کو دے دیا گیا۔