رمضان المبارک کے آغاز پر پھلوں کی قیمتیں آسمان چھونے لگیں

کراچی(بولونیوز) رمضان المبارک کے شروع ہوتے ہی شہر بھر میں پھلوں کی قیمتوں میں اچانک اضافہ دیکھنے میں آیا ہے۔

شہریوں کے مطابق، کیلا 400 روپے درجن، سیب 600 روپے فی کلو، خربوزہ 400 روپے فی کلو، کینو 600 روپے درجن اور چیکو 500 روپے فی کلو فروخت ہو رہا ہے۔

عوام نے کہا کہ رمضان کے دوران پھل فروش اپنے منافع میں اضافے کے لیے قیمتیں بڑھا دیتے ہیں، جس سے عام شہریوں پر مہنگائی کا بوجھ بڑھ گیا ہے۔

ماہرین کا کہنا ہے کہ گرمی اور درآمدی پھلوں کی کمی بھی قیمتوں میں اضافے کی ایک وجہ ہے، تاہم شہریوں نے متعلقہ حکام سے مطالبہ کیا ہے کہ قیمتوں کو کنٹرول کیا جائے تاکہ رمضان میں سب کی پہنچ میں رہیں۔