وزیر اعظم شہباز شریف نے سڈنی کے بانڈی بیچ حملے پر افسوس کا اظہار کیا

اسلام آباد(بولونیوز)آسٹریلوی ہائی کمشنر ٹم کین سے ملاقات کے دوران وزیر اعظم شہباز شریف نے گزشتہ ہفتے سڈنی کے بانڈی بیچ میں ہونے والے المناک فائرنگ واقعے پر افسوس کا اظہار کیا اور اس حملے کی شدید مذمت کی۔

گزشتہ اتوار کو بانڈی بیچ میں دو مسلح افراد نے یہودی تہوار حنوکہ کی خوشیاں منانے والے افراد پر فائرنگ کی، جس کے نتیجے میں پندرہ افراد ہلاک اور درجنوں زخمی ہو گئے۔

پی ایم ایل این نے سوشل میڈیا پر بتایا کہ آسٹریلیا کے نئے مقرر شدہ ہائی کمشنر نے آج وزیر اعظم سے وزیر اعظم ہاؤس میں ملاقات کی۔