ڈاکوؤں سے پولیس مقابلہ: ایک گرفتار، ایک فرار

کراچی(بولونیوز)کے تھانہ سائٹ سپر ہائی وے علاقے میں جمالی پل کے قبول رات گئے پولیس اور ڈاکوؤں کے درمیان فائرنگ کا تبادلہ ہوا۔ اطلاعات کے مطابق ملزمان شہری سے لوٹ مار کے بعد فرار ہو رہے تھے جب پولیس نے انہیں روکنے کی کوشش کی۔

ملزمان نے پولیس پر فائرنگ کی جس کے جوابی کارروائی میں ایک ملزم زخمی ہو کر گرفتار ہوا جبکہ اس کا ساتھی فرار ہونے میں کامیاب رہا۔ گرفتار ملزم اسماعیل (افغانی) سے ایک غیر قانونی پستول اور موٹر سائیکل برآمد ہوئی۔

زخمی ملزم کو علاج کے لیے ہسپتال منتقل کیا گیا ہے۔ پولیس فرار ملزم کی تلاش اور واقعے کی تحقیقات میں مصروف ہے۔