ڈاکٹر عشرت العباد خان نے قومی کرکٹ ٹیم کی کامیابی پر مبارکباد دی
کراچی ( بولونیوز) سابق گورنر سندھ و میری پہچان پاکستان (ایم پی پی) کے سربراہ ڈاکٹر عشرت العباد خان نے قومی کرکٹ ٹیم کی سری لنکا کے خلاف ٹی ٹونٹی اور ون ڈے سیریز میں کامیابی پر مبارکباد پیش کی ہے۔ انہوں نے سہ فریقی سیریز میں پاکستان کی کامیابی کے لیے دعا بھی کی۔ ڈاکٹر عشرت العباد خان نے نابینا کرکٹ ٹیم کی بھارت پر فتح کو بھی سراہا اور کھیلوں کے میدان میں پاکستانی کھلاڑیوں کی کارکردگی کو “فتح بینان المرصوص” کا تسلسل قرار دیا۔ انہوں نے بھارت کی اسپورٹس مین شپ پر تنقید کرتے ہوئے کہا کہ ہندوتوا کی نفرت انگیز سوچ پوری دنیا میں عیاں ہو چکی ہے۔
