مری میں ترقیاتی منصوبے: وزیراعلیٰ پنجاب مریم نواز کے اہم فیصلے
لاہور(بولونیوز)وزیراعلیٰ پنجاب مریم نواز نے مری کے لیے متعدد ترقیاتی منصوبوں کی منظوری دی ہے، جس کا مقصد سیاحتی سہولیات کو بہتر بنانا اور علاقے کو جدید انداز میں ترقی دینا ہے۔
اہم فیصلے اور اقدامات درج ذیل ہیں:
بھوربن میں 50 بیڈ ہسپتال: مری کے علاقے بھوربن میں 50 بیڈ کا جدید ہسپتال قائم کیا جائے گا تاکہ صحت کی سہولیات کو فروغ ملے۔
مری گلاس ٹرین پراجیکٹ: مری گلاس ٹرین لیک ویو پارک سے مری بس اسٹینڈ تک 40 کلومیٹر طویل روٹ پر چلے گی، جبکہ اس پراجیکٹ کو اسلام آباد ائیرپورٹ سے مظفرآباد تک توسیع دینے پر بھی اتفاق کیا گیا۔
ہوٹلنگ اور پارکنگ: مری میں معیاری ہوٹلز ایک ہی مخصوص جگہ پر قائم کیے جائیں گے، جبکہ پبلک پرائیویٹ پارٹنرشپ کے تحت مری ہوٹل کمپلیکس بھی بنایا جائے گا۔
گرین ایریاز اور پارکنگ: مری میں سہ منزلہ عمارتیں ہٹا کر پارک اور گرین ایریاز قائم کرنے کا فیصلہ کیا گیا۔
سڑکوں کی توسیع: اپر جھیکا گلی میں سہ منزلہ بلڈنگز ہٹا کر سڑک کی توسیع کی جائے گی، جبکہ مال روڈ، ہال روڈ اور امتیاز شہید روڈ میں بھی سہ منزلہ عمارتیں ہٹانے پر اتفاق کیا گیا۔
سٹیٹ آف دی آرٹ سڑکیں: راولپنڈی، مری اور کشمیر روڈ کو جدید اور معیاری سڑک بنانے کا اصولی فیصلہ کیا گیا۔
وزیراعلیٰ پنجاب کے مطابق یہ اقدامات مری کو جدید سیاحتی مرکز بنانے اور سیاحوں کے لیے سہولیات میں بہتری لانے کے لیے کیے جا رہے ہیں۔
