بس گہری کھائی میں گرنے سے 17 ہلاک، 20 زخمی
کولمبیا(بولونیوز)کولمبیا میں ایک بس گہری کھائی میں گرنے کے حادثے میں کم از کم 17 افراد ہلاک اور 20 زخمی ہو گئے ہیں۔ ہلاک ہونے والوں میں 16 ہائی سکول کے طلبہ اور بس کا ڈرائیور بھی شامل ہے۔
عالمی خبررساں ادارے کے مطابق ہلاک طلبہ کی عمر 16 سے 18 سال کے درمیان تھی اور وہ میڈیلین کے قریب واقع شہر بیلو کے ایک سکول سے تعلق رکھتے تھے۔ طلبہ اپنی گریجویشن کی خوشی منانے کے لیے کولمبیا کے کیریبین ساحلی علاقوں ٹولو اور کوویناس کے سفر پر تھے جب یہ المناک حادثہ پیش آیا۔
حادثے میں زخمی ہونے والے افراد کو فوری طور پر مقامی اسپتالوں میں منتقل کر کے طبی امداد دی جا رہی ہے، جبکہ حکام نے واقعے کی تحقیقات شروع کر دی ہیں تاکہ حادثے کی وجوہات معلوم کی جا سکیں۔
