سعودی عرب نے حج 2026 کے لیے سخت طبی شرائط نافذ کر دیں

ریاض (بولو نیوز) سعودی حکومت نے حج 2026 کے لیے نئی طبی پالیسی جاری کرتے ہوئے کئی بیماریوں میں مبتلا افراد کے لیے حج پر پابندی عائد کر دی ہے۔ نئی ہدایات کے مطابق دل، گردے، پھیپھڑوں، جگر کے شدید مریض، کینسر کے مریض، نفسیاتی امراض میں مبتلا افراد اور حاملہ خواتین حج نہیں کر سکیں گے۔ سعودی حکام دوران حج بیمار پائے جانے والے عازمین کو ڈیپورٹ کر سکیں گے، جس کا خرچہ عازمین خود ادا کریں گے۔ فٹنس سرٹیفکیٹ جاری کرنے والے ڈاکٹروں کے خلاف بھی کارروائی ہوگی۔