Category: پاکستان

اسلام آباد(بولونیوز)اسلام آباد میں آئی جی اسلام آباد نے پریس کانفرنس کے دوران شاہین چوک کے قریب پیش آنے والے فائرنگ کے واقعے کی تفصیلات بتا دیں۔

آئی جی اسلام آباد کے مطابق لڑکی نمرہ اور ملزم سعد عباسی دونوں جی-6 سیکٹر میں واقع ایک کیش اینڈ کیری اسٹور پر کام کرتے ہیں۔ ملزم سعد عباسی خاتون کو کسی پارک یا دوسری جگہ لے جانا چاہتا تھا، تاہم خاتون کیش اینڈ کیری کے علاوہ کہیں اور جانے پر آمادہ نہیں تھی۔

پریس کانفرنس میں بتایا گیا کہ ملزم اس سے قبل بھی لڑکی کو دو مرتبہ زبردستی گھر سے پک کر چکا تھا۔ واقعے کے روز بھی ملزم نے لڑکی کو کام کی جگہ لے جانے کے بجائے کسی اور مقام پر لے جانے کی کوشش کی۔ جب لڑکی نے انکار کیا تو شاہین چوک کے قریب دونوں کے درمیان تکرار شروع ہو گئی۔

اسی دوران ایک گروپ کیپٹن اپنے دفتر سے جا رہے تھے، جنہوں نے سڑک پر تکرار دیکھ کر معاملہ روکنے کی کوشش کی۔ آئی جی اسلام آباد کے مطابق ملزم نے اشتعال میں آ کر گروپ کیپٹن کی گاڑی کے قریب جا کر ان پر فائرنگ کر دی۔

پولیس حکام کا کہنا ہے کہ واقعے کی مکمل تحقیقات جاری ہیں، ملزم کے خلاف قانون کے مطابق کارروائی کی جا رہی ہے اور شواہد کی بنیاد پر کیس کو منطقی انجام تک پہنچایا جائے گا۔

لاہور(بولونیوز)غیر ملکی خواتین سے مبینہ اغوا اور جنسی زیادتی کے کیس میں اہم پیشرفت سامنے آ گئی ہے۔ تفتیش کے دوران رضا ڈار کی گاڑی میں غیر ملکی خواتین کو ایئرپورٹ لے جانے کے شواہد حاصل کر لیے گئے ہیں، جبکہ اس حوالے سے سی سی ٹی وی فوٹیج بھی سامنے آ گئی ہے۔

نجی ٹی وی کے مطابق فوٹیج میں دیکھا جا سکتا ہے کہ غیر ملکی خواتین کو رضا ڈار کی گاڑی میں ایئرپورٹ کی جانب لے جایا گیا۔ سی سی ٹی وی فوٹیج کے مطابق غازی روڈ پر تیز رفتاری کے باعث گاڑی کا ایکسیڈنٹ ہوا، جس میں سامنے سے آنے والی ایک اور گاڑی سے ٹکر ہوئی۔

غیر ملکی لڑکی اسٹیفنی نے پولیس کو دیے گئے بیان میں بتایا کہ حادثے کے بعد وہ گاڑی سے باہر نکلے تو دوسری گاڑی میں سوار فیملی نے ون فائیو پر کال کر کے پولیس کو طلب کیا۔ غیر ملکی خاتون کے مطابق پولیس کے موقع پر پہنچنے کے بعد انہوں نے خود کو محفوظ محسوس کیا۔

اس سے قبل پولیس نے ملزمان کے ڈی این اے سیمپلز حاصل کر کے فرانزک تجزیے کے لیے لیبارٹری بھجوا دیے ہیں۔ واقعے کا شکار ہونے والی خواتین نے پولیس افسران کو کیس کی مکمل پیروی کی یقین دہانی بھی کرائی ہے۔

ذرائع کے مطابق دونوں غیر ملکی خواتین ایمبسی اور آن لائن زوم میٹنگز کے ذریعے عدالتی کارروائی میں حصہ لیں گی۔ پولیس کا کہنا ہے کہ شواہد کی روشنی میں تفتیش کو آگے بڑھایا جا رہا ہے اور قانون کے مطابق کارروائی عمل میں لائی جائے گی۔جبکہ دوسری جانب ڈی آئی جی آپریشنز فیصل کامران نے پریس کانفرنس کرتے ہوئے غیر ملکی خواتین سے متعلق جاری کیس پر تفصیلی مؤقف اختیار کیا۔

ڈی آئی جی آپریشنز نے بتایا کہ میڈیکل کرانے کے لیے نیدر لینڈ ایمبیسی سے رابطہ کیا گیا، جہاں سے آگاہ کیا گیا کہ وہ اپنے شہریوں کی رضامندی (consent) کو انتہائی اہمیت دیتے ہیں۔ ایمبیسی کی ہدایت پر پہلے غیر ملکی خواتین سے بات کی گئی، انہیں قانونی عمل سے آگاہ کیا گیا اور مکمل طور پر مطمئن کیا گیا۔

انہوں نے کہا کہ ایس پی انویسٹی گیشن کینٹ سدرہ، راحیلہ میڈم اور ایس ایس او آئی کی ایک خاتون افسر مسلسل غیر ملکی خواتین کے ساتھ رہیں۔ ان خواتین پولیس افسران نے متاثرہ خواتین کو پرسکون کیا، جس کے بعد انہوں نے رضامندی ظاہر کی اور میڈیکل کرانے پر آمادہ ہوئیں۔ بعد ازاں انہیں اسپتال منتقل کر کے میڈیکل کروایا گیا۔

فیصل کامران کے مطابق غیر ملکی خواتین کی دو جولائی کی صبح پانچ بجے فلائٹ طے تھی، تاہم روانگی سے قبل مجسٹریٹ کے سامنے بیانات ریکارڈ کرانا قانونی طور پر ضروری تھا۔ انہوں نے واضح کیا کہ کسی بھی ریپ وکٹم یا ریپ سروائیور کو عدالت میں پیش کرنا ناگزیر ہوتا ہے، کیونکہ اگر متاثرہ فریق بیانات دیے بغیر ملک چھوڑ دے تو بعد میں بین الاقوامی فورمز یا میڈیا پر سوالات اٹھ سکتے ہیں۔

ڈی آئی جی آپریشنز نے بتایا کہ ڈیوٹی مجسٹریٹ سے رابطے کی کوشش کی گئی، تاہم رابطہ نہ ہونے پر ایس ایچ او کو ان کے گھر بھیجا گیا۔ اس دوران معمولی بدمزگی ہوئی، جس پر انہوں نے عدلیہ سے معذرت بھی کی، لیکن اس بات پر زور دیا کہ بیانات کا ریکارڈ ہونا انتہائی ضروری تھا۔

انہوں نے کہا کہ اگر غیر ملکی خواتین بغیر بیانات دیے پاکستان سے روانہ ہو جاتیں تو بین الاقوامی میڈیا اور فورمز پر ریاستی اداروں پر سوالات اٹھائے جاتے، اسی لیے تمام اقدامات قانون کے مطابق اور شفاف انداز میں کیے گئے۔

لاہور(بولونیوز)لاہور میں ڈی آئی جی آپریشنز فیصل کامران نے پریس کانفرنس کرتے ہوئے غیر ملکی خواتین سے متعلق جاری کیس پر تفصیلی مؤقف اختیار کیا۔

ڈی آئی جی آپریشنز نے بتایا کہ میڈیکل کرانے کے لیے نیدر لینڈ ایمبیسی سے رابطہ کیا گیا، جہاں سے آگاہ کیا گیا کہ وہ اپنے شہریوں کی رضامندی (consent) کو انتہائی اہمیت دیتے ہیں۔ ایمبیسی کی ہدایت پر پہلے غیر ملکی خواتین سے بات کی گئی، انہیں قانونی عمل سے آگاہ کیا گیا اور مکمل طور پر مطمئن کیا گیا۔

انہوں نے کہا کہ ایس پی انویسٹی گیشن کینٹ سدرہ، راحیلہ میڈم اور ایس ایس او آئی کی ایک خاتون افسر مسلسل غیر ملکی خواتین کے ساتھ رہیں۔ ان خواتین پولیس افسران نے متاثرہ خواتین کو پرسکون کیا، جس کے بعد انہوں نے رضامندی ظاہر کی اور میڈیکل کرانے پر آمادہ ہوئیں۔ بعد ازاں انہیں اسپتال منتقل کر کے میڈیکل کروایا گیا۔

فیصل کامران کے مطابق غیر ملکی خواتین کی دو جولائی کی صبح پانچ بجے فلائٹ طے تھی، تاہم روانگی سے قبل مجسٹریٹ کے سامنے بیانات ریکارڈ کرانا قانونی طور پر ضروری تھا۔ انہوں نے واضح کیا کہ کسی بھی ریپ وکٹم یا ریپ سروائیور کو عدالت میں پیش کرنا ناگزیر ہوتا ہے، کیونکہ اگر متاثرہ فریق بیانات دیے بغیر ملک چھوڑ دے تو بعد میں بین الاقوامی فورمز یا میڈیا پر سوالات اٹھ سکتے ہیں۔

ڈی آئی جی آپریشنز نے بتایا کہ ڈیوٹی مجسٹریٹ سے رابطے کی کوشش کی گئی، تاہم رابطہ نہ ہونے پر ایس ایچ او کو ان کے گھر بھیجا گیا۔ اس دوران معمولی بدمزگی ہوئی، جس پر انہوں نے عدلیہ سے معذرت بھی کی، لیکن اس بات پر زور دیا کہ بیانات کا ریکارڈ ہونا انتہائی ضروری تھا۔

انہوں نے کہا کہ اگر غیر ملکی خواتین بغیر بیانات دیے پاکستان سے روانہ ہو جاتیں تو بین الاقوامی میڈیا اور فورمز پر ریاستی اداروں پر سوالات اٹھائے جاتے، اسی لیے تمام اقدامات قانون کے مطابق اور شفاف انداز میں کیے گئے۔

لاہور(بولونیوز)غیر ملکی خواتین سے مبینہ اغوا اور جنسی زیادتی کے کیس میں اہم پیشرفت سامنے آ گئی ہے۔ تفتیش کے دوران رضا ڈار کی گاڑی میں غیر ملکی خواتین کو ایئرپورٹ لے جانے کے شواہد حاصل کر لیے گئے ہیں، جبکہ اس حوالے سے سی سی ٹی وی فوٹیج بھی سامنے آ گئی ہے۔

نجی ٹی وی کے مطابق فوٹیج میں دیکھا جا سکتا ہے کہ غیر ملکی خواتین کو رضا ڈار کی گاڑی میں ایئرپورٹ کی جانب لے جایا گیا۔ سی سی ٹی وی فوٹیج کے مطابق غازی روڈ پر تیز رفتاری کے باعث گاڑی کا ایکسیڈنٹ ہوا، جس میں سامنے سے آنے والی ایک اور گاڑی سے ٹکر ہوئی۔

غیر ملکی لڑکی اسٹیفنی نے پولیس کو دیے گئے بیان میں بتایا کہ حادثے کے بعد وہ گاڑی سے باہر نکلے تو دوسری گاڑی میں سوار فیملی نے ون فائیو پر کال کر کے پولیس کو طلب کیا۔ غیر ملکی خاتون کے مطابق پولیس کے موقع پر پہنچنے کے بعد انہوں نے خود کو محفوظ محسوس کیا۔

اس سے قبل پولیس نے ملزمان کے ڈی این اے سیمپلز حاصل کر کے فرانزک تجزیے کے لیے لیبارٹری بھجوا دیے ہیں۔ واقعے کا شکار ہونے والی خواتین نے پولیس افسران کو کیس کی مکمل پیروی کی یقین دہانی بھی کرائی ہے۔

ذرائع کے مطابق دونوں غیر ملکی خواتین ایمبسی اور آن لائن زوم میٹنگز کے ذریعے عدالتی کارروائی میں حصہ لیں گی۔ پولیس کا کہنا ہے کہ شواہد کی روشنی میں تفتیش کو آگے بڑھایا جا رہا ہے اور قانون کے مطابق کارروائی عمل میں لائی جائے گی۔

لاہور(بولونیوز)پنجاب میں ریسٹورنٹس اور سروس سیکٹر سے وابستہ کاروباروں پر سیلز ٹیکس کی شرح بڑھا دی گئی ہے۔ پنجاب ریوینیو اتھارٹی نے ریسٹورنٹس، کیفے، شادی ہالز اور دیگر سروسز پر سیلز ٹیکس 5 فیصد سے بڑھا کر 8 فیصد کرنے کا نوٹیفکیشن جاری کر دیا ہے۔

نوٹیفکیشن کے مطابق نئی ٹیکس شرح کا فوری طور پر اطلاق ہو چکا ہے، جس کے بعد صوبے بھر میں متعلقہ سروسز مہنگی ہونے کا خدشہ ظاہر کیا جا رہا ہے۔

کاروباری حلقوں کا کہنا ہے کہ ٹیکس میں اضافے سے صارفین پر مالی بوجھ بڑھے گا، جبکہ بعض ریسٹورنٹ مالکان نے مطالبہ کیا ہے کہ حکومت مہنگائی کے پیشِ نظر اس فیصلے پر نظرثانی کرے۔ دوسری جانب حکام کے مطابق ٹیکس میں اضافہ صوبائی محصولات میں بہتری کے لیے کیا گیا ہے۔

اسلام آباد(بولونیوز)سیاسی حلقوں میں ایک نیا تنازع سامنے آ گیا ہے، جہاں سینیٹر فیصل واوڈا نے اسحاق ڈار سے استعفیٰ دینے کا مطالبہ کر دیا ہے۔

سوشل میڈیا پلیٹ فارم ایکس (سابق ٹوئٹر) پر جاری بیان میں فیصل واوڈا نے کہا کہ رضا ڈار پر سامنے آنے والے شرمناک الزامات کے بعد اسحاق ڈار کو اپنے عہدے سے مستعفی ہو جانا چاہیے۔ ان کا کہنا تھا کہ ان الزامات کے بعد اسحاق ڈار کے ساتھ کون پاکستان کے جھنڈے تلے کھڑا ہو سکتا ہے۔

فیصل واوڈا نے مزید کہا کہ اسحاق ڈار نہ صرف نائب وزیراعظم ہیں بلکہ وزیر خارجہ بھی ہیں، اور ایسے حالات میں پاکستان کی ساکھ متاثر ہو رہی ہے۔ انہوں نے الزام عائد کیا کہ ملک کو ایک فیملی کارپوریشن کی طرح چلایا جا رہا ہے، جو قابلِ قبول نہیں۔

ان کے بیان کے بعد سیاسی حلقوں میں شدید بحث شروع ہو گئی ہے، جبکہ حکومتی سطح پر تاحال اس معاملے پر کوئی باضابطہ ردعمل سامنے نہیں آیا۔

اسلام آباد(بولونیوز) وزیرِ اعظم کے مشیر برائے سیاسی امور رانا ثنا اللہ نے آئندہ دنوں میں پیٹرول کی قیمت میں مزید کمی کا امکان ظاہر کر دیا ہے۔
نجی ٹی وی پروگرام میں گفتگو کرتے ہوئے رانا ثنا اللہ نے کہا کہ ان کے خیال میں آئندہ ایک دو ہفتوں کے دوران پیٹرول کی قیمت میں کمی ہو سکتی ہے۔ ان کا کہنا تھا کہ امریکا اور ایران کے درمیان حالیہ مذاکرات کے بعد عالمی منڈی میں تیل کی قیمتیں کم از کم 60 دن تک نیچے رہنے کا امکان ظاہر کیا جا رہا ہے، جس کا فائدہ پاکستان کو بھی مل سکتا ہے۔

مشیر وزیرِ اعظم نے واضح کیا کہ تیل کمپنیاں حکومت کو نہ بلیک میل کر سکتی ہیں اور نہ ہی انہوں نے ایسا کیا ہے۔ ان کے مطابق تیل کمپنیوں نے حکومت کے ساتھ مکمل تعاون کیا ہے اور ملک کے کسی بھی پیٹرول پمپ پر کسی قسم کا بحران یا جھگڑا سامنے نہیں آیا۔

رانا ثنا اللہ کا کہنا تھا کہ حکومت عوام کو زیادہ سے زیادہ ریلیف فراہم کرنے کے لیے صورتحال پر مسلسل نظر رکھے ہوئے ہے اور عالمی منڈی میں قیمتوں میں کمی کا فائدہ صارفین تک منتقل کیا جائے گا۔

لاہور(بولونیوز)ملک کے مختلف حصوں میں آج موسم کی صورتحال کے حوالے سے پیش گوئی جاری کر دی گئی ہے۔ محکمہ موسمیات کے مطابق آج شمال مشرقی پنجاب، بالائی خیبر پختونخوا اور کشمیر میں کہیں کہیں بارش کا امکان ہے، جبکہ ملک کے بیشتر علاقوں میں موسم گرم اور مرطوب رہنے کی توقع ہے۔

محکمہ موسمیات کا کہناہے کہ گزشتہ روز ملک میں سب سے زیادہ درجہ حرارت نوکنڈی میں 45 ڈگری سینٹی گریڈ ریکارڈ کیا گیا۔اسی طرح دالبندین، جیکب آباد اوردادومیں درجہ حرارت44 ڈگری سینٹی گریڈ رہا،جبکہ سکھرمیں 43 ڈگری سینٹی گریڈ ریکارڈ کیا گیا۔محکمہ موسمیات کے مطابق ملتان، ڈیرہ غازی خان، سرگودھا اور چلاس میں درجہ حرارت 41 ڈگری سینٹی گریڈ رہا۔

اسی طرح مظفرآباد میں 39 ڈگری، جبکہ لاہور، اسلام آباد، پشاور، کوئٹہ اور گلگت میں زیادہ سے زیادہ درجہ حرارت 38 ڈگری سینٹی گریڈ ریکارڈ کیا گیا۔ادھر کراچی میں زیادہ سے زیادہ درجہ حرارت 37 ڈگری سینٹی گریڈ رہا، جہاں موسم گرم اور مرطوب محسوس کیا گیا۔

محکمہ موسمیات نے شہریوں کو ہدایت کی ہے کہ شدید گرمی کے پیش نظر احتیاطی تدابیر اختیار کریں اور بلا ضرورت دھوپ میں نکلنے سے گریز کریں۔

کراچی(بولونیوز) ایم کیو ایم پاکستان کے مرکز بہادرآباد میں مرکزی ڈیجیٹل میڈیا کا ایک اہم اجلاس منعقد ہوا، جس کی صدارت سینئر رہنما انیس احمد قائم خانی نے کی۔

اجلاس میں رکنِ مرکزی کمیٹی و انچارج سی او سی فرقان اطیب، مرکزی رہنما شاکر علی اور نیک محمد، مرکزی ڈیجیٹل میڈیا کے سینئر جوائنٹ انچارج نادر قریشی، اراکینِ قومی و صوبائی اسمبلی، مرکزی ڈیجیٹل میڈیا کے اراکین اور دیگر ذمہ داران نے شرکت کی۔

اجلاس سے خطاب کرتے ہوئے انیس احمد قائم خانی نے سوشل میڈیا سے وابستہ ساتھیوں کو ہدایت کی کہ وہ سندھ میں عوام کو درپیش محرومیوں، پاکستان پیپلز پارٹی کی 18 سالہ ناقص کارکردگی، بدانتظامی اور عوامی مسائل کو مؤثر انداز میں اجاگر کریں اور سوشل میڈیا پر بھرپور عوامی آگاہی مہم چلائیں۔

انہوں نے کہا کہ جدید ڈیجیٹل ذرائع ابلاغ کے ذریعے عوام سے مضبوط رابطہ قائم کیا جائے، حقائق کو مؤثر انداز میں پیش کیا جائے اور عوام کو ان کے مسائل اور حقوق کے حوالے سے متحرک کیا جائے تاکہ سندھ کے عوام کی آواز ہر سطح پر مؤثر انداز میں پہنچ سکے۔

کراچی(بولونیوز) میونسپل کارپوریشن (کے ایم سی) کے زیرِ انتظام شہر کے بڑے سرکاری طبی ادارے عباسی شہید اسپتال میں طبی سہولیات کے سنگین بحران نے مریضوں اور طبی عملے دونوں کو شدید مشکلات سے دوچار کر دیا ہے۔

ذرائع کے مطابق اسپتال کا بچوں کا وارڈ بند ہونے کے باعث ننھے مریضوں کو بروقت علاج میسر نہیں آ رہا، جبکہ او پی ڈی میں ادویات کی شدید قلت کے باعث غریب اور نادار مریض نجی میڈیکل اسٹورز سے مہنگی ادویات خریدنے پر مجبور ہیں۔

دوسری جانب اسپتال میں تعینات ینگ ڈاکٹرز نے تنخواہوں کی بروقت ادائیگی، ملازمت کے تحفظ اور سیکیورٹی کی فراہمی کے مطالبات کے حق میں احتجاج کیا۔ مظاہرین کا کہنا تھا کہ وہ محدود وسائل اور غیر محفوظ حالات میں فرائض انجام دے رہے ہیں، لیکن اس کے باوجود انہیں بروقت تنخواہیں اور مناسب تحفظ فراہم نہیں کیا جا رہا۔

احتجاج کرنے والے ڈاکٹرز نے مطالبہ کیا کہ اسپتال میں بنیادی سہولیات فوری طور پر بحال کی جائیں، ادویات کی مسلسل فراہمی یقینی بنائی جائے، بچوں کا وارڈ دوبارہ فعال کیا جائے اور طبی عملے کے جائز مطالبات کو فوری طور پر تسلیم کیا جائے۔

شہریوں نے بھی متعلقہ حکام، خصوصاً کراچی میونسپل کارپوریشن سے مطالبہ کیا ہے کہ عباسی شہید اسپتال میں صحت کی سہولیات کو بہتر بنایا جائے تاکہ عوام کو معیاری اور بروقت طبی خدمات فراہم کی جا سکیں۔