پاکستان کا چین کے جدید جے-35 اسٹیلتھ طیاروں کا پہلا بین الاقوامی خریدار بننے کا دعویٰ
اسلام آباد(بولونیوز)پاکستان سے متعلق ایک خبر میں دعویٰ کیا گیا ہے کہ ملک نے چین کے جدید ترین اسٹیلتھ لڑاکا طیارے جے-35 کے 40 یونٹس کی خریداری پر اتفاق کیا ہے اور اس طرح پاکستان اس طیارے کا پہلا بین الاقوامی خریدار بن گیا ہے۔
رپورٹ کے مطابق یہ معاہدہ چین کے جدید جنگی طیاروں کے شعبے میں ایک اہم پیش رفت قرار دیا جا رہا ہے، جس کے تحت پاکستان کو جدید اسٹیلتھ ٹیکنالوجی سے لیس لڑاکا طیارے حاصل ہوں گے۔
دعوے کے مطابق اس ڈیل سے پاکستان کی فضائی صلاحیتوں میں اضافہ ہوگا اور خطے میں طاقت کے توازن پر بھی اثرات مرتب ہو سکتے ہیں، تاہم اس حوالے سے سرکاری سطح پر مزید تفصیلات کا انتظار کیا جا رہا ہے۔
