مقبوضہ کشمیر: بھارتی یومِ جمہوریہ پر یومِ سیاہ منایا گیا

سری نگر(بولونیوز) یومِ جمہوریہ کے موقع پر مقبوضہ وادی میں کشمیری عوام نے بھارتی تسلط کے خلاف یومِ سیاہ منایا۔ کشمیری رہنما اور حریت کانفرنس کے رہنما عبدالحمید لون نے کہا کہ عوام بھارتی جبری تسلط کو ہر صورت مسترد کرتے ہیں اور اپنے حق خودارادیت کے لیے پرعزم ہیں۔

یومِ جمہوریہ کے موقع پر وادی میں اضافی سیکیورٹی اہلکار تعینات کیے گئے اور مختلف علاقوں میں چیکنگ کی گئی۔ مظاہرین نے بھارتی جھنڈے اور یومِ جمہوریہ کی تقریبات کے خلاف احتجاجی مظاہرے کیے اور مقامی سڑکوں پر نعرے لگائے۔

حریت رہنما نے زور دیا کہ کشمیری عوام اپنے حقوق کے لیے پرامن مزاحمت جاری رکھیں گے اور بین الاقوامی برادری کو بھارتی مظالم سے آگاہ کرتے رہیں گے۔