غزہ میں صحافیوں پر دوبارہ حملہ، تین فلسطینی صحافی شہید
غزہ(بولونیوز) غزہ کی پٹی میں اسرائیلی جارحیت کا سلسلہ بدستور جاری ہے۔ تازہ ترین واقعے میں تین فلسطینی صحافی شہید ہو گئے جب وہ مصری کمیٹی کے زیرِ انتظام قائم کیے جانے والے کیمپوں کی تصویری اور ویڈیو کوریج انجام دے رہے تھے۔
عینی شاہدین کے مطابق یہ واقعہ نتساريم کے علاقے میں پیش آیا، جہاں صحافی اپنی گاڑی میں جا رہے تھے کہ اسی دوران اسرائیلی جاسوس طیارے (استطلاعی ڈرون) نے براہِ راست ان کی گاڑی کو نشانہ بنایا۔
شہید صحافیوں کے نام درج ذیل ہیں:
محمد صلاح قشطة
عبد الرؤوف سمیر شعت
انس عبداللہ غنیم
مقامی ذرائع کا کہنا ہے کہ تینوں صحافیوں نے صحافتی شناختی جیکٹس پہن رکھی تھیں اور ان کے پاس کیمرے موجود تھے، جو واضح کرتا ہے کہ وہ کسی بھی عسکری سرگرمی میں شامل نہیں تھے بلکہ صرف انسانی اور امدادی کاموں کی کوریج کر رہے تھے۔
