تمام اشارے ایران پر عنقریب حملے کی طرف اشارہ کر رہے ہیں
لندن(بولونیوز)برطانوی خبر ایجنسی رائٹرز نے دعویٰ کیا ہے کہ ایران پر امریکہ کے ممکنہ حملے کے تمام اشارے موجود ہیں اور یہ فوجی کارروائی آئندہ 24 گھنٹوں کے اندر بھی کی جا سکتی ہے۔
رائٹرز کے مطابق مغربی فوجی حکام نے بتایا ہے کہ غیر متوقع پن امریکی حکمت عملی کا حصہ ہے۔ حکام نے مزید کہا کہ ایران کے خلاف ممکنہ فوجی کارروائی کی تیاریاں جاری ہیں اور اسے جلد شروع کیا جا سکتا ہے۔
ادھر، اسرائیلی میڈیا نے بھی دعویٰ کیا ہے کہ امریکہ چند روز میں ایران پر حملہ کر سکتا ہے۔ اسرائیلی حکام کے مطابق صدر ٹرمپ نے ایران میں مداخلت کا بظاہر فیصلہ کر لیا ہے، تاہم حملے کے دائرہ اور وقت کا تعین ابھی باقی ہے۔
یہ پیش رفت خطے میں کشیدگی میں اضافے کا باعث بن سکتی ہے اور عالمی سطح پر تشویش پیدا کر رہی ہے۔
