ایگزاسٹ فین کے ہول میں پھنسنے والا چور پولیس کے ہتھے چڑھ گیا
کوٹا(بولونیوز)بھارتی ریاست راجستھان کے شہر کوٹا میں ایک چور چوری کی نیت سے گھر میں داخل ہونے کی کوشش میں خود پھنس گیا۔
چور نے ایگزاسٹ فین کے ہول کے ذریعے گھر میں گھسنے کی کوشش کی، لیکن وہ اس میں پھنس گیا۔ گھر کے افراد مندر گئے ہوئے تھے اور واپس آنے پر انہوں نے دیکھا کہ چور فین کے ہول میں پھنسا ہوا ہے۔ چور نے گھر والوں کو دھمکیاں دی اور گھر کے قریب موجود اپنے ساتھیوں کو بھی اشاروں کے ذریعے خطرہ پہنچانے کی کوشش کی۔
گھر والوں نے فوری طور پر پولیس کو اطلاع دی، جس کے بعد پولیس نے چور کو ہول سے نکالنے کی کارروائی کی۔ سوشل میڈیا پر اس واقعے کی ویڈیو بھی وائرل ہو گئی ہے، جس میں چور کو پھنسے ہوئے دیکھا جا سکتا ہے۔
چور کو ریسکیو کرنے کے بعد گرفتار کر لیا گیا ہے اور اس کے خلاف قانونی کارروائی کی جا رہی ہے۔
