ایرانی کرنسی کی قدر میں زبردست کمی، ملک میں احتجاج
تہران(بولونیوز) ایران میں کرنسی کی قدر میں شدید کمی کے بعد ملک بھر میں عوامی احتجاج جاری ہے۔ تہران کے وسطی علاقے سعدی سٹریٹ اور مرکزی گراؤنڈ بازار کے قریب شوش علاقے میں تاجر اور دکان دار بھی سڑکوں پر نکل آئے۔
عوامی احتجاج کے دوران کاروباری سرگرمیوں میں شدید کمی دیکھی گئی اور مارکیٹوں میں معمول کے مطابق کاروبار متاثر ہوا۔ اس صورتحال کے بعد ایران کے مرکزی بینک کے سربراہ نے اپنے عہدے سے استعفیٰ دے دیا۔
واضح رہے کہ کرنسی کی قدر میں یہ زبردست کمی ملکی معیشت کے لیے سنگین خطرہ تصور کی جا رہی ہے اور حکومت نے صورت حال کو قابو میں لانے کے لیے فوری اقدامات کا اعلان کیا ہے۔
