یو اے ای میں یکم جنوری کو عام تعطیل کا اعلان
ابوظہبی(بولونیوز)متحدہ عرب امارات کی وفاقی اتھارٹی نے نئے سال 2026 کی آمد پر یکم جنوری کو سرکاری و نجی شعبے کے تمام ملازمین کے لیے عام تعطیل کا اعلان کردیا ہے۔
سرکاری اعلامیہ کے مطابق جمعرات، یکم جنوری 2026 کو ملک بھر میں تمام سرکاری و پرائیویٹ ملازمین کی چھٹی ہوگی۔
اعلامیہ میں مزید بتایا گیا ہے کہ جمعہ، 2 جنوری کو وفاقی سرکاری ملازمین کے لیے ریموٹ ورک (ورک فرام ہوم) کا دن ہوگا۔ تاہم ایسے ملازمین جن کے فرائض دفتر میں موجودگی کے بغیر ممکن نہیں، انہیں جمعہ کے روز دفتر حاضر ہونا ہوگا۔
نئے سال کے موقع پر چھٹی اور ریموٹ ورک کا یہ فیصلہ ملازمین کی سہولت اور حکومتی پالیسی کے تحت کیا گیا ہے۔
