امریکا نے H-1B ویزا کے لیے نیا ویٹڈ سسٹم متعارف کروا دیا
واشنگٹن(بولونیوز) امریکا نے H-1B ورک ویزا کے موجودہ لاٹری سسٹم کو ختم کرتے ہوئے نیا ویٹڈ سسٹم نافذ کرنے کا اعلان کر دیا ہے، جس کے تحت زیادہ ہنر مند اور زیادہ تنخواہ پانے والے غیر ملکی ورکرز کو ترجیح دی جائے گی۔
امریکی محکمہ داخلہ (DHS) کے مطابق نیا قانون 27 فروری 2026 سے نافذ العمل ہوگا، جبکہ مالی سال 2027 کے لیے تقریباً 85 ہزار H-1B ویزے اسی نئے طریقہ کار کے تحت الاٹ کیے جائیں گے۔
یو ایس سٹیزن شپ اینڈ امیگریشن سروس کے ترجمان کا کہنا ہے کہ موجودہ لاٹری سسٹم کو بعض کمپنیاں غلط استعمال کر رہی تھیں، جن کے ذریعے وہ امریکی ملازمین کے مقابلے میں کم اجرت پر غیر ملکی ورکرز لاتی تھیں۔
ترجمان کے مطابق نئے نظام میں تنخواہ اور مہارت کو ویزا الاٹمنٹ کا بنیادی معیار بنایا جائے گا، جس کے باعث انٹری لیول پروفیشنلز کے لیے امریکا میں ملازمت حاصل کرنا پہلے کے مقابلے میں مزید مشکل ہوسکتا ہے۔
