پاکستان کو امریکی خارجہ پالیسی میں فوقیت حاصل، “انڈیا فرسٹ” دور ختم
واشنگٹن(بولونیوز)امریکی جریدے واشنگٹن ٹائمز نے پاکستان اور امریکہ کے تعلقات میں اہم تبدیلیوں کی نشاندہی کی ہے۔ جریدے کے مطابق ٹرمپ کی قیادت میں پاکستان کے حوالے سے امریکی سوچ میں نمایاں تبدیلی دیکھی جا رہی ہے، اور سابقہ “انڈیا فرسٹ” پالیسی کا دور ختم ہو چکا ہے۔
امریکی تجزیہ کاروں نے سال 2025 کو پاک-امریکا تعلقات میں انقلابی تبدیلی کا سال قرار دیا ہے، جس میں دونوں ممالک کے تعلقات کو مزید مضبوط بنانے کی کوششیں نمایاں ہیں۔
واشنگٹن ٹائمز کے آرٹیکل میں کہا گیا ہے کہ پاکستان کی جغرافیائی، اسٹریٹجک اور خطے میں امن و استحکام میں کردار کو امریکی خارجہ پالیسی میں خصوصی اہمیت دی جا رہی ہے۔
