کمالیہ چیچہ وطنی روڈ پر بس کی ٹرالر سے ٹکر، ایک شخص زخمی
کمالیہ(بولونیوز)کمالیہ چیچہ وطنی روڈ پر ایک تیز رفتار بس کی ٹرالر کو زور دار ٹکر مارنے کے نتیجے میں ایک شخص زخمی ہو گیا۔ زخمی کو فوری طور پر ریسکیو ٹیموں کی مدد سے قریبی ہسپتال منتقل کر کے طبی امداد فراہم کی جا رہی ہے۔
ذرائع کے مطابق حادثے کے بعد بس ڈرائیور موقع سے فرار ہو گیا۔ پولیس نے موقع پر پہنچ کر شواہد اکٹھے کر لیے ہیں اور فرار ڈرائیور کی تلاش جاری ہے۔ واقعے کی مزید تفتیش بھی جاری ہے تاکہ حادثے کی وجوہات معلوم کی جا سکیں۔
