شرجیل انعام میمن کی نئی فلم ‘میرا لیاری’ کا اعلان، لیاری کی اصل ثقافت اجاگر کرنے کا مقصد

کراچی(بولونیوز)سندھ کے وزیر اطلاعات شرجیل انعام میمن نے نئی فلم ‘میرا لیاری’ کا اعلان کیا ہے، جس کا مقصد لیاری کی اصل ثقافت، امن، صلاحیت اور حوصلے کو عوام کے سامنے لانا ہے۔ یہ فلم بھارتی فلم Dhurandhar کے منفی تاثر کے جواب میں بنائی جا رہی ہے، جس میں لیاری کو غلط اور منفی انداز میں پیش کیا گیا تھا۔

شرجیل میمن نے اپنے ایکس (X) اکاؤنٹ پر کہا:
“بھارتی فلم Dhurandhar پاکستان، خاص طور پر لیاری کے خلاف منفی پروپیگنڈا کی ایک اور مثال ہے۔ لیاری تشدد نہیں بلکہ ثقافت، امن، ٹیلنٹ اور حوصلے کی علامت ہے۔ اگلے ماہ ‘میرا لیاری’ ریلیز ہوگی، جو لیاری کا اصل چہرہ دکھائے گی: امن، خوشحالی اور فخر۔”

فلم کا مقصد لیاری کو ثقافت، حوصلے اور ہم آہنگی کا مرکز کے طور پر پیش کرنا ہے اور Dhurandhar میں دکھائے گئے منفی تاثر کا بھرپور جواب دینا ہے۔