متحدہ عرب امارات کی تمام مساجد میں جمعہ کی نماز کا یکساں وقت مقرر

متحدہ عرب امارات(بولونیوز)ملک بھر کی تمام مساجد میں جمعہ کی نماز اور خطبے کا وقت یکساں کرنے کا فیصلہ کر لیا۔ اماراتی جنرل اتھارٹی آف اسلامی امور کے مطابق نیا نظام 2 جنوری 2026 سے نافذ ہوگا، جس کے تحت پورے ملک میں جمعہ کا خطبہ اور نماز 12 بج کر 45 منٹ پر ادا کی جائے گی۔

اس سے قبل دبئی اور ابوظبی میں جمعہ کی نماز عام طور پر 1:30 بجے ادا کی جاتی تھی، جب کہ شارجہ اور شمالی امارات میں اس کا وقت تقریباً 12:30 بجے تھا۔ نئے فیصلے کے بعد اب پورے امارات میں جمعہ کی ادائیگی کا وقت یکساں ہو گا۔

اتھارٹی نے نمازیوں سے مقررہ وقت کی پابندی کرنے اور نماز کو اس کے مقررہ وقت پر ادا کرنے کی درخواست بھی کی ہے۔