سینیٹر ثمینہ ممتاز زہری، چیئرپرسن سینیٹ فنکشنل کمیٹی برائے انسانی حقوق کا مبارکبادی بیان
اسلام آباد(بولونیوز)سینیٹر سمینہ ممتاز زہری نے پاکستان کے پہلے چیف آف ڈیفنس فورسز کے عہدے پر موجودہ تقرری و توسیع پر فیلڈ مارشل جنرل عاصم منیر کو دلی مبارکباد پیش کی ہے۔
اپنے مبارکبادی پیغام میں سینیٹر سمینہ ممتاز زہری نے کہا کہ جنرل عاصم منیر پاکستان کا فخر اور ملکی سلامتی کے مضبوط ترین ستون ہیں۔ ان کی شاندار قیادت نے نہ صرف دفاع کو نئی قوت دی ہے بلکہ معیشت، قومی استحکام اور یکجہتی کے عمل کو بھی مزید تقویت بخشی ہے۔
انہوں نے کہا کہ موجودہ تقرینامہ توسیع وطن عزیز کی سلامتی، دفاعی حکمتِ عملی اور مستقبل کے استحکام کے لیے انتہائی اہم اور بروقت فیصلہ ہے۔ جنرل عاصم منیر کی پیشہ ورانہ قیادت نے پاکستان کو اندرونی و بیرونی چیلنجز سے نمٹنے کے لیے مضبوط بنیاد فراہم کی ہے۔
سینیٹر سمینہ ممتاز زہری نے مزید کہا کہ بلوچستان سمیت پورے ملک کی عوام اور ادارے پاک افواج کی قیادت پر بھرپور اعتماد رکھتے ہیں۔ قومی یکجہتی، امن، دفاع اور معاشی ترقی میں فوج کا کردار ہمیشہ قابلِ تعریف رہا ہے۔
آخر میں انہوں نے کہا کہ جنرل عاصم منیر کی قیادت پاکستان کے روشن، محفوظ اور مستحکم مستقبل کی ضمانت ہے، اور پوری قوم ان پر فخر کرتی ہے۔
