ڈیرہ اسماعیل خان میں افسوسناک واقعہ: سنگدل ماں نے دو معصوم بچوں کو قتل کر دیا
ڈیرہ اسماعیل خان(بولونیوز)تھانہ کینٹ کی حدود بستی درکھانوالی میں دل دہلا دینے والا واقعہ پیش آیا جہاں ایک بدبخت ماں نے اپنے دو معصوم بچوں کو چھری کے وار سے قتل کر دیا۔
پولیس کے مطابق جاں بحق بچوں میں 40 دن کا شیر خوار بچہ سہیل اور دو سالہ بچی اقراء بی بی شامل ہیں، جن کا والد کا نام ثناء اللہ بتایا گیا ہے۔
واقعے کے بعد دونوں بچوں کی لاشوں کو سول ہسپتال کے ٹراما سینٹر منتقل کر دیا گیا ہے، جہاں ضروری کارروائی جاری ہے۔
پولیس نے اطلاع ملتے ہی موقع پر پہنچ کر ملزمہ ماں کو گرفتار کر کے تفتیش کا آغاز کر دیا ہے۔ اس دل خراش واقعے نے علاقے میں شدید غم و غصے کی فضا قائم کر دی ہے۔
